സ്വന്തം വായ്പ എഴുതി തള്ളി അനില്‍ അക്കരെ

യുഡിഎഫ് ഭരണത്തില്‍ അനില്‍ അക്കരയുടെയും ബന്ധുക്കളുടെയും 25 ലക്ഷം വായ്പകുടിശിക വഴിവിട്ട് എഴുതിത്തള്ളിയന്ന് ആരോപണം ഇതു സംബന്ധിച്ച ചില രേഖകള്‍ പ്രാദേശിക നേതാക്കള്‍ പുറത്തുവിട്ടു. കുടിശ്ശിക നിര്‍മാര്‍ജനത്തിനുള്ള ആശ്വാസ് പദ്ധതിയുടെ കാലാവധി കഴിഞ്ഞിട്ടും നിയമവിരുദ്ധമായി രേഖ ചമച്ച് കടം എഴുതിത്തള്ളുകയായിരുന്നു എന്നാണ് ആക്ഷപം. നിയമസഭാ തെരഞ്ഞെടുപ്പില്‍ വടക്കാഞ്ചേരിയില്‍ മത്സരിക്കുമ്പോള്‍ കുടിശ്ശിക ഇല്ലാതിരിക്കാനാണ് രാഷ്ട്രീയ സ്വാധീനം ഉപയോഗിച്ച് എഴുതിത്തള്ളിയത്. യുഡിഎഫ് ഭരിച്ചിരുന്ന അടാട്ട് ഫാര്‍മേഴ്‌സ് സഹ.ബാങ്കിലെ മൂന്നുവായ്പകളിലായി 25,39,144 രൂപയാണ് എഴുതിത്തള്ളിയത്. വായ്പക്ക് ആവശ്യമായ ഈടുണ്ടായിട്ടും കുടിശ്ശിക എഴുതിത്തള്ളിയത് ബാങ്കിന് വന്‍നഷ്ടമുണ്ടാക്കി. ഇതുള്‍പ്പെടെ കോടികളുടെ അഴിമതി ആരോപണത്തെത്തുടര്‍ന്ന് അടാട്ട് സഹ.ബാങ്ക് ഭരണസമിതി പിരിച്ചുവിട്ടിരുന്നു. ആശ്വാസ് പദ്ധതിയുടെ കാലാവധി 2016 മാര്‍ച്ച് 31ന് പൂര്‍ത്തിയായിരുന്നു. എന്നാല്‍ ബാങ്ക് ഭരണസമിതി പ്രത്യേക ഉപ നിബന്ധനകളുണ്ടാക്കി കാലാവധി ജൂണ്‍ 30വരെ നീട്ടണമെന്നാവശ്യപ്പെട്ട് സഹകരണവകുപ്പിലേക്കയച്ചു. ഏപ്രില്‍ 26ന് ജോയിന്റ് രജിസ്ട്രാര്‍ കാലാവധി നീട്ടി നല്‍കി. അനില്‍ അക്കര 2012ന് ജൂലൈ 17ന് 8.25 ലക്ഷം രൂപ ബിസിനസ് വായ്പ എടുത്തിരുന്നു. 2016 ഏപ്രില്‍ 26ന് 12,92,142 രൂപയായി. അക്കരയുടെ ഭാര്യാസഹോദരിയുടെ ഭര്‍ത്താവ് ജോസും ഇതേദിവസം 8.25 ലക്ഷം രൂപ ബിസിനസ് വായ്പ എടുത്തിരുന്നു. ഇത് 8,18, 688 രൂപയായി. അനിലിന്റെ അച്ഛന്‍ അക്കര പട്ട്യേക്കല്‍ ആന്റണിയുടെ അമ്മ മേരി 1999 ആഗസ്റ്റ് 24ന് എടുത്ത 1.25 ലക്ഷം രൂപയുടെ വായ്പയും 29,11,270 രൂപയായി കുടിശ്ശികയുണ്ടായിരുന്നു. പിന്തുടര്‍ച്ചാവകാശിയെന്നനിലയില്‍ അനില്‍ അക്കര താമസിക്കുന്ന വീട് ജപ്തി ചെയ്യാനുള്ള നോട്ടീസ് നല്‍കിയിരുന്നു. 2016 ഏപ്രില്‍ 27ന് മൂന്ന് വായ്പയിലുമായി 50,22, 100 രൂപയായി കുടിശ്ശികയായി. ഇതില്‍ 25,39,144 രൂപ എഴുതിത്തള്ളി. അന്ന് തന്നെ അനിലിനും ജോസിനും 8.25 ലക്ഷം രൂപ വീതം വായ്പ പുതുക്കി. ബാക്കി തുകമാത്രമാണ് അടച്ചത്. ജോസിന് വായ്പയേക്കാള്‍ കുറവായിരുന്നു ബാക്കി. ഇത്തരം വായ്പകള്‍ക്ക് ആശ്വാസ് ആനുകൂല്യം നല്‍കേണ്ടതില്ല. ഇത് ലംഘിച്ചു. സംസ്ഥാന സര്‍ക്കാര്‍ പ്രഖ്യാപിച്ച ആശ്വാസ് പദ്ധതി ഒരു ബാങ്കിന് മാത്രമായി നീട്ടി നല്‍കിയതും ചട്ടലംഘനമാണ്. ഇക്കാര്യത്തില്‍ നടപടി വേണമെന്ന ആവശ്യം ഉയര്‍ന്നിരിക്കുകയാണ് കോണ്‍ഗ്രസിലെ ഒരു കൂട്ടം നേതാക്കളും ഈ ആവശ്യം ഉന്നയിച്ചു കഴിഞ്ഞു. എന്നാല്‍ ഇക്കാര്യത്തില്‍ എം എല്‍ എ പ്രതികരണം ഒന്നും നടത്തിയിട്ടില്ല. അദേഹത്തിന്റെ ഓഫീസ് നല്‍കുന്ന വിശദീകരണം നിയമവിരുദ്ധമായി ഒരു കാര്വും ബാങ്ക് ചെയ്തിട്ടില്ലന്നും. ഒരു അവിഹിത ഇടപെടലും ഉണ്ടായിട്ടില്ലന്നുമാണ്.