അന്വേഷണം ബിനീഷിലേക്ക് എങ്ങനെ എത്തി

ബിനീഷ് കൊടിയേരി ചോദ്യം ചെയ്യലായിരുന്നു ഒരു ദിവസത്തെ മലയാളിയുടെ ചര്‍ച്ച . വളരെ പെട്ടന്ന് എല്ലാം എങ്ങനെ ബിനീഷ് കൊടിയേരിയിലേക്ക് തിരിഞ്ഞു എന്നത് ആരും തിരഞ്ഞിട്ടില്ല. തെളിവുകളുടെ ബലത്തിലായിരുന്നോ ഇഡി യുടെ ചോദ്യം ചെയ്യല്‍ , അതിന്റെ വിവരങ്ങളും പുറത്തുവന്നിട്ടില്ല . ബംഗളരു മയക്കുമരുന്ന് കേസില്‍ പിടിയിലായി പ്രതിയുടെ മൊഴിയില്‍ ബിനീഷ് കോടിയേരിയുടെ പേര് കടന്നുവന്നതാണ് ഇതിന് ഇടയാക്കിയ സംഭവം . നിലവില്‍ ബിനീഷിനെതിരെ തെളിവുകളോ, പ്രതികളുമായി ബിനീഷ് പറഞ്ഞതിനപ്പുറം ബന്ധം ഉണ്ടന്ന് തെളിയിക്കുവാനോ സാധിച്ചിട്ടില്ല. ഇതുവരെ ഒരു തെളിവും അന്വേഷണ ഏജന്‍സികള്‍ പുറത്തുവിട്ടിട്ടില്ല. എന്‍ ഐ യ്്ക്ക് പകരം അന്വേഷണത്തില്‍ വന്ന ഇഡി അതുകണ്ടാണ് കേസില്‍ ചോദ്യം ചെയ്യല്‍ നടത്തിയത്. മറിച്ചായിരുന്നെങ്കില്‍ രണ്ട് കേസുകളും അന്വേഷിക്കുന്ന ഏജന്‍സികള്‍ നേരിട്ട് ബിനീഷിലേക്ക് എത്തിയേനെ. ബിനീഷിനെ വിളിച്ചു വരുത്തിയത് എന്‍ഫോഴ്‌സമെന്റ് ഡയറക്ടറേറ്റാണെങ്കിലും ചോദ്യങ്ങള്‍ഏറെയും ദേശീയ അന്വേഷണ ഏജന്‍സിക്കും (എന്‍ഐഎ) ലഹരിമരുന്നു കേസ് അന്വേഷിക്കുന്ന നര്‍കോട്ടിക് കണ്‍ട്രോള്‍ ബ്യൂറോയ്ക്കും വേണ്ടിയുമായിരുന്നു. ഇഡിയില്‍ നിന്ന് ലഭിക്കുന്ന വിവരങ്ങള്‍ കൂടി ലഭിച്ചതിനു ശേഷമായിരിക്കും ആ ഏജന്‍സികളുടെ തുടര്‍നീക്കം. തിരുവനന്തപുരം സ്വര്‍ണകടത്ത് കേസില്‍ സ്വപ്‌നയുടെലോക്കറില്‍ നിന്നും കണ്ടെടുത്ത പണം യുഎഇ കോണ്‍സുലേറ്റുമായി ബന്ധപ്പെട്ട കരാറുകളില്‍ ലഭിച്ച കമ്മിഷനാണെന്നു സ്വപ്ന മൊഴി നല്‍കി. ഇതിനു പിന്നാലെയാണ് കള്ളപ്പണ ഇടപാടിനെ കുറിച്ച് ഇഡി അന്വേഷണം തുടങ്ങിയത്. ഇതിനിടയില്‍ അവിടെ കരാന്‍ എടുത്ത യുഎഎഫ്എക്‌സ് സൊലൂഷന്‍സ് എന്ന വീസ സ്റ്റാംപിങ് സ്ഥാപനവുമായി ബിനീഷിനു ബന്ധമുണ്ടെന്ന മൊഴിയും അന്വേഷണ സംഘത്തിന് ലഭിച്ചിരുന്നു. ഈ സാഹചര്യത്തിലാണ് ബിനീഷിനെ ഇ.ഡി കൊച്ചിയിലേക്ക് വിളിപ്പിച്ചത്. യുഎഎഫ്എക്‌സ് സൊലൂഷന്‍സിന്റെ മൂന്നു നടത്തിപ്പുകാരെയും ഇഡി ഇന്നലെ കൊച്ചിയിലേക്ക് വിളിച്ചു വരുത്തിയിരുന്നു. ബിനീഷിന്റെ കമ്പനികളായ ബി കാപ്പിറ്റല്‍ ഫിനാന്‍സ് സര്‍വീസസ്, ബിഇ കാപ്പിറ്റല്‍ ഫോറക്‌സ് ട്രേഡിങ്, ടോറസ് റെമഡീസ്, ബുള്‍സ് ഐ കോണ്‍സെപ്റ്റ്‌സ് എന്നിവയെ പറ്റിയും ഇ.ഡി ചോദിച്ചറിഞ്ഞു.ഇതിന്റെ കണക്കുകളും വിവരങ്ങളും സമര്‍പ്പിച്ചിട്ടില്ല എന്ന ആക്ഷേപം ഉയര്‍ന്നിരുന്നു. സ്വപ്നയുടെ കള്ളപ്പണ ഇടപാടുകള്‍, അനൂപ് മുഹമ്മദിന്റെ സംഘത്തിന്റെ കേരളത്തിലേക്കുള്ള ലഹരിക്കടത്ത്, മലയാള ചലച്ചിത്രരംഗത്തെ കള്ളപ്പണ ബന്ധങ്ങള്‍, ചലച്ചിത്ര പ്രവര്‍ത്തകര്‍ക്കിടയിലെ ലഹരിമരുന്ന് ഉപയോഗം എന്നിവ സംബന്ധിച്ചു ഇന്നലെ ചോദ്യങ്ങളുണ്ടായി. സ്വപ്ന സുരേഷിനും സന്ദീപ് നായര്‍ക്കും ബെംഗളൂരുവില്‍ ഒളിത്താവളം ഒരുക്കിയത് തന്റെ അറിവോടെയല്ലെന്നു പറഞ്ഞ ബിനീഷ്, കര്‍ണാടകയിലെ ഒരു എംഎല്‍എയുടെ പേരു പറഞ്ഞതായി മലയാള മനോരമ റിപ്പോര്‍ട്ട് പുറത്തുവിട്ടിട്ടുണ്ട്. യുഎഇ കോണ്‍സുലേറ്റിലെ വീസ സ്റ്റാംപിങ് കേന്ദ്രത്തിന്റെ കരാര്‍ ലഭിച്ച യുഎഎഫ്എക്‌സ് സൊലൂഷന്‍സ്, ലൈഫ് മിഷന്‍ ഭവന നിര്‍മാണ പദ്ധതിയുടെ കരാര്‍ ലഭിച്ച യൂണിടാക് ബില്‍ഡേഴ്‌സ് എന്നിവയുമായുള്ള ബന്ധത്തെക്കുറിച്ചും ഇഡി ചോദിച്ചു വിവരങ്ങള്‍ ശേഖരിച്ചതായി വാര്‍ത്തകള്‍ പുറത്തുവന്നു കഴിഞ്ഞു. ഇതിന്റെ വിലയിരുത്തലുകള്‍ക്ക് ശേഷം മാത്രമേ തുടര്‍ നടപടികള്‍ എന്തെങ്കിലും ഉണ്ടാകൂ.