മുരളീധരനെതിരെ ആര്‍എസ്എസ് കേരളനേതൃത്വവും, പരാതിയില്‍ ഗുരുതര ആരോപണം

കേന്ദ്രസഹമന്ത്രിസഥാനത്തുനിന്ന് വി മുരളീമരനെ മാറ്റണമെന്ന ലവശ്യവുമായി ആര്‍ എസ് എസ് കേരള ഘടകം നേതാക്കള്‍. ബി ജെ പി സംസ്ഥാന പ്രസിഡന്റിനെ പാര്‍ട്ടിയില്‍ ഒറ്റപ്പെടുത്താന്‍ നീക്കം നടത്തുന്നു എന്ന ഗുരുതര ആരോപണമാണ് ഇവര്‍ ഉന്നയിച്ചിരിക്കുന്നത്. കെ സുരേന്ദ്രനെതിരെ നീക്കങ്ങള്‍ നടത്തിയിരുന്നത് കൃഷ്ണദാസ് പക്ഷമാണന്ന പൊതുധാരണ തിരുത്തുന്നതാണ് ആര്‍ എസ് എസ് പരാതി . തന്റെ അനുയായി എന്ന രീതിയില്‍ മുരളീധരന്‍ പറയുന്നുണ്ടെങ്കിലും കേരള ബി ജെ പി യിലും , എന്‍ ഡി എ രാഷ്ട്രീയത്തിലും സുരേന്ദ്രന്‍ ചുവട് ഉറപ്പിക്കുന്നതില്‍ കടുത്ത അമര്‍ഷത്തിലാണ് മുരളി. തിനക്കൊപ്പം നില്‍ക്കുന്ന എല്ലാ നേതാക്കളെയും വിളിച്ച് സുരേന്ദ്രന് അത്രപിന്‍തുണ നല്‍കണ്ട എന്ന ആവശ്യം ഉന്നയിച്ചു. പുതിയ ചില നേതാക്കളെയാണ് മുരളി ഉയത്തിക്കാണിക്കുന്നത്. കേരളത്തിലെ പുതിയ നേതാക്കള്‍ക്ക് സോഷ്യല്‍ മീഡിയ പേജുകള്‍ കൈകാര്യം ചെയ്യുന്നതിന് പ്രതിമാസ വേതന അടിസ്ഥാനത്തില്‍ മാധ്യമ പ്രവര്‍ത്തകരെ നിയോഗിക്കാനുള്ള പണവും കേന്ദ്രമന്ത്രി ഇടപെട്ട് കൈമാറി. സുരേന്ദ്രന്റെ പരിപാടികള്‍ക്ക് ഒരു പിന്‍തുണയും നല്‍കരുതെന്ന നിര്‍ദേശവും ഇവര്‍ക്ക് നല്‍കിയായി സംഘപരിവാര്‍ നേതൃത്വം കണ്ടത്തിയിട്ടുണ്ട്. സ്വര്‍ണക്കടത്ത് കേസിലെ മന്ത്രിയുടെ ഇടപെടലിലെ ദുരൂഹതയും സൂചിപ്പിച്ചാണ് പരാതി. ബിജെപി പ്രസിഡന്റ് ജെ പി നഡ്ഡക്കൊപ്പം പ്രധാനമന്ത്രി നരേന്ദ്രമോഡിക്കും പരാതി നല്‍കിയതായാണ് വിവരം. നയതന്ത്രബാഗല്ലെന്ന് പറഞ്ഞ് കേസില്‍ തുടക്കം മുതല്‍ കേന്ദ്രമന്ത്രി നടത്തിയ ഇടപെടല്‍ നാണംകെടുത്തിയെന്നതാണ് പ്രധാന പരാതി. ജനം ടി വി കോഓര്‍ഡിനേറ്റിങ് എഡിറ്റര്‍ അനില്‍ നമ്പ്യാരെ രക്ഷിക്കാന്‍ മന്ത്രി ഇടപെട്ടതായും പറയുന്നു. മന്ത്രിയുടെ പേഴ്സണല്‍ സ്റ്റാഫടക്കമുള്ള നിയമനങ്ങളിലാണ് ആര്‍എസ്എസിന് അതൃപ്തി. തിരുവനന്തപുരവും കോഴിക്കോടും കേന്ദ്രമാക്കി വിഭാഗീയതക്ക് മന്ത്രിപദവി ഉപയോഗിക്കുന്നുവെന്ന ആരോപണവും ആര്‍എസ്എസ് നേതാക്കള്‍ക്കുണ്ട്. തിരുവനന്തപുരത്ത് നാല് പേഴ്സണല്‍ സ്റ്റാഫംഗങ്ങളെയാണ് നിയമിച്ചത്. വിമാനത്താവളത്തിലെ കോഴ നിയമനങ്ങളും പരാതിക്ക് അടിസ്ഥാനമാണ്. മുരളിയെ മാറ്റണമെന്നതാണ് ആര്‍എസ്എസിന്റെ ആവശ്യം. കുമ്മനം രാജശേഖരന്‍, സുരേഷ് ഗോപി എന്നിവരെ പകരക്കാരായി നിര്‍ദേശിച്ചിട്ടുമുണ്ട്.