കോണ്‍സുലേറ്റിന്റെ നടപടിയില്‍ ജലീല്‍ കുറ്റക്കാരനാകുമോ

കോണ്‍സുലേറ്റില്‍ നിന്നുള്ള പാഴ്സലുകളില്‍ 'വിശുദ്ധ ഗ്രന്ഥം' തന്നെയായാലും അത് ഏറ്റുവാങ്ങാനും വിതരണം ചെയ്യാനും മന്ത്രിക്ക് അധികാരമുണ്ടായിരുന്നോ? എന്‍ ഐ എ ചോദ്യം ചെയ്യുന്ന മന്ത്രി കെ.ടി ജലീലിനുമേലുള്ള പ്രധാന ആരോപണ കുരുക്ക് ഈ ചട്ടലംഘനമാണ്. ഒരു രാജ്യത്ത് പ്രവര്‍ത്തിക്കുന്ന, വിദേശ രാജ്യങ്ങളുടെ കോണ്‍സുലേറ്റുകള്‍ക്ക്, പ്രാദേശികമായി ഒരു പ്രവര്‍ത്തി ചെയ്യണമെങ്കില്‍ തന്നെ ആ രാജ്യത്തിന്റെ വിദേശകാര്യമന്ത്രാലയം വഴി വേണം അത് ചെയ്യാന്‍. അതല്ലങ്കില്‍ അവിടെ നിന്ന് അനുമതി വാങ്ങി തങ്ങള്‍ വിതരണം ചെയ്യുന്ന ഏജന്‍സി വഴി നല്‍കണം. റംസാന്‍ കിറ്റ് വിതരണമാണെങ്കിലും മതഗ്രന്ഥങ്ങളുടെ വിതരണമാണെങ്കിലും ചട്ടം പാലിച്ചേ മതിയാകൂ. ഇത്തരത്തില്‍ സമീപിക്കുന്ന എല്ലാ സ്ഥാപനങ്ങളും ഇത് പൂര്‍ത്തിയാക്കിയ ശേഷമാണ് മന്ത്രിമാരെയോ മറ്റുസര്‍ക്കാര്‍ സ്ഥാപനങ്ങളെയോ സമീപിക്കേണ്ട. സാധാരണ ഗതിയില്‍ ഒരു രാജ്യാന്തരസ്ഥാപനത്തില്‍ നിന്ന് സംസ്ഥാന സര്‍ക്കാരുകളുമായി ഇടപാടുകള്‍ പതിവല്ലാത്തതിനാല്‍ സംസ്ഥാന മന്ത്രിമാര്‍ ഇക്കാര്യങ്ങള്‍ തിരിക്കി കൊള്ളണം. എന്നില്ല. വിദേശത്തുനിന്ന് സാധനം നയതന്ത്ര ചാനലിലൂടെ എത്തിച്ച് കേരളത്തില്‍ വിതരണം ചെയ്യുന്നതിന് ഒന്നിലധികം തവണ ഇൗ കോണ്‍സുലേറ്റ് ഓഫീസ് മുന്‍കൈ എടുത്തിട്ടുണ്ട്. അന്നൊക്കെ അതിന്റെ ഇത്തരം കാര്യങ്ങള്‍ എല്ലാ പൂര്‍ത്തീകരിച്ചശേഷം അവര്‍ തന്നെയാണ് ഭക്ഷ്യ സാധനങ്ങള്‍ അടക്കം നല്‍കിയിട്ടുള്ളത്. ഈ സൗഹൃദമാണ് മന്ത്രിക്ക് ഈ ഓഫീസുമായി ഉള്ളതെന്നാണ് ആദ്യഘട്ട മൊഴി എടുക്കലിനുശേഷം ഇഡി കേന്ദ്രങ്ങള്‍ പറയുന്നത്. ജലീല്‍ പറയുന്നത്, തനിക്ക് ഇതിലെ ചട്ടലംഘങ്ങളെക്കുറിച്ച് അറിവില്ലായിരുന്നുവെന്നാണ്. സമ്മതിക്കാവുന്ന കാര്യമായി അന്വേഷണ സംഘം അത് കണ്ടിട്ടുണ്ട്. മറുവശത്ത് കോണ്‍സുലേറ്റ് പ്രതിനിധികള്‍ ചട്ടത്തെക്കുറിച്ചും ചട്ടലംഘനത്തെക്കുറിച്ചും കൃത്യമായി അറിവുള്ളവരവാണ്. എന്നിട്ടും കെ ടി ജലീലിനെ നേരിട്ട് ബന്ധപ്പെട്ടതാണ് മന്ത്രിയെ സംശയത്തിന്റെ നിഴലിലാക്കുന്നത്. ഇവര്‍ ഇതൊക്കെ പൂര്‍ത്തീകരിച്ചിട്ടുണ്ടോ എന്ന കാര്യം കൂടി ഇനി പുറത്തുവരണം . വിവാദ ബഹളങ്ങള്‍ക്കിടയില്‍ ആധികം അതിന്റെ പുതിയ വിവരങ്ങള്‍ പുറത്തുവരേണ്ടതുണ്ട്. ഇവിടെ ആകെയുള്ള ഒരു മറുവാദം, ജലീല്‍ വഖഫ് വകുപ്പ് കൂടി കൈകാര്യം ചെയ്യുന്ന മന്ത്രിയാണെന്നതാണ്.