മതംഗ്രന്ഥം , എന്‍ ഐ എ സിആപ്റ്റില്‍ ഉദ്യോഗസ്ഥനെ ചോദ്യം ചെയ്യാന്‍ കൊണ്ടുപോയി

യുഎഇ കോണ്‍സുലേറ്റില്‍നിന്ന് എത്തിച്ച മതഗ്രന്ഥം വിതരണം ചെയ്തതുമായി ബന്ധപ്പെട്ട് എന്‍ഐഎ ഉദ്യോഗസ്ഥര്‍ സിആപ്റ്റില്‍ (കേരള സ്റ്റേറ്റ് സെന്റര്‍ ഫോര്‍ അഡ്വാന്‍സ്ഡ് പ്രിന്റിങ് ആന്‍ഡ് ട്രെയിനിങ്) പരിശോധന നടത്തുന്നു. കൊച്ചി യൂണിറ്റില്‍നിന്ന് എത്തിയ ഉദ്യോഗസ്ഥര്‍ ഡെലിവറി വിഭാഗത്തിലെ ഉദ്യോഗസ്ഥനെ ചോദ്യം ചെയ്യാനായി കൊണ്ടുപോയി. താന്‍ ഈ ബോക്‌സുകള്‍ കണ്ടിട്ടില്ലന്നും , ഇതുമായി ബന്ധപ്പെട്ട കാര്യങ്ങള്‍ അവിടെ ഉദ്യോഗസ്ഥര്‍ക്ക് അറിയാമെന്നു മന്ത്രി എന്‍ ഐ എ അറിയിച്ചിരുന്നു കഴിഞ്ഞ ദിവസത്തെ മാധ്യമ അഭിമുഖങ്ങളിലും മന്ത്രി ഇക്കാര്യം അറിയിച്ചിരുന്നു. എന്‍ ഐ എ എത്തുന്നതിന് മുന്‍പ് ഓഫീസിലെ സി സി ടിവി ദൃശ്യങ്ങള്‍ കസ്റ്റംസ് കൊണ്ടുപോയിരുന്നു. അത് പരിശോധിച്ച ശേഷമാണ് എന്‍ ഐ സംഘം എത്തിയതെന്ന് അറിയുന്നു. കോണ്‍സുലേറ്റില്‍നിന്ന് 32 മതഗ്രന്ഥങ്ങളുടെ പാക്കറ്റുകള്‍ ഡെലിവറി വിഭാഗത്തിലാണ് എത്തിച്ചത്. പിന്നീട് ഒരു പാക്കറ്റ് പൊട്ടിച്ച് ജീവനക്കാരില്‍ ചിലര്‍ മതഗ്രന്ഥം എടുത്ത ശേഷം ബാക്കി 31 പാക്കറ്റുകള്‍ മലപ്പുറത്തേക്കു കൊണ്ടുപോകുകയായിരുന്നു. പൊട്ടിച്ച പാക്കറ്റ് സിആപ്റ്റില്‍ സൂക്ഷിച്ചു. സിആപ്റ്റ് എംഡിയില്‍നിന്നും ഫിനാന്‍സ് വിഭാഗത്തിലെ ഉദ്യോഗസ്ഥരില്‍നിന്നും എന്‍ഐഎ ഉദ്യോഗസ്ഥര്‍ വിവരം ശേഖരിച്ചു. രാവിലെ 9.30 ഓടെയാണ് ഉദ്യോഗസ്ഥ സംഘം സിആപ്റ്റിലെത്തിയത്. സിആപ്റ്റിലെ ഉദ്യോഗസ്ഥരെ നേരത്തെ കസ്റ്റംസും ചോദ്യം ചെയ്തിരുന്നു. കേരള സ്റ്റേറ്റ് ഓഡിയോ വിഷ്വല്‍ ആന്‍ഡ് റിപ്പോഗ്രാഫിക് സെന്ററാണ് പിന്നീട് സിആപ്റ്റായി മാറിയത്. കംപ്യൂട്ടര്‍, ആനിമേഷന്‍, പ്രിന്റിങ് തുടങ്ങിയ മേഖലകളില്‍ പരിശീലനം നല്‍കുന്ന സ്ഥാപനമാണ് സിആപ്റ്റ്.