സൗദിയില്‍ വാഹനാപകടത്തില്‍ മൂന്നു മരണം

സൗദിയിലെ ദമാം-അൽഖോബാർ ഹൈവേയിലുണ്ടായ വാഹനാപകടത്തിൽ സുഹൃത്തുക്കളായ മൂന്ന് യുവാക്കൾ മരിച്ചു. കോഴിക്കോട് മാങ്കാവ് സ്വദേശി അത്തക്കര വീട്ടിൽ റാഫിയുടെ മകൻ മുഹമ്മ്ദ് സനദ്(22), വയനാട് സ്വദേശി ചക്കരവീട്ടിൽ അബൂബക്കർ മകൻ അൻസിഫ്(22), താനൂർ കുന്നുംപുറം സ്വദേശി തൈക്കാട്ട് വീട്ടിൽ സൈതലവിയുടെ മകൻ മുഹമ്മദ് ഷഫീഖ്(22) എന്നിവരാണ് മരിച്ചത്. ദമാം ഇന്ത്യൻ സ്‌കൂളിലെ പൂർവ വിദ്യാർഥികളാണ് മൂവരും. ഇവരുടെ രക്ഷിതാക്കൾ സൗദിയിലുണ്ട്. സനദ് ബഹറിനിൽ തുടർ പഠനം നടത്തുകയും മറ്റു രണ്ടു പേര് സ്വകാര്യ കമ്പനിയിൽ ജോലിയും ചെയ്ത് വരുന്നു. സൗദി ദേശീയ ദിനാഘോഷത്തിൽ പങ്കെടുത്ത മടങ്ങവേ ഇവർ സഞ്ചരിച്ച വാഹനം നിയന്ത്രണം വിട്ട് ഡിവൈഡറിൽ ഇടിച്ച് മറിയുകയായിരുന്നു. മൂവരും തൽക്ഷണം മരിച്ചു. മൃതദേഹങ്ങൾ ദമാം സെൻട്രൽ ഹോസ്പിറ്റൽ മോർച്ചറിയിൽ സൂക്ഷിച്ചിരിക്കുന്നു.