എം.സി. കമുറുദ്ദീൻ 75 നോട്ട് ഔട്ട്

കാസര്‍ഗോഡ്: ജ്വല്ലറി നിക്ഷേപ തട്ടിപ്പ് പരാതിയില്‍ എം.സി. കമറുദ്ദീന്‍ എംഎല്‍എക്കെതിരെ ചന്തേര പൊലീസ് രണ്ട് കേസുകള്‍ കൂടി രജിസ്റ്റര്‍ ചെയ്തു. വെള്ളൂര്‍, പടന്ന സ്വദേശികളായ രണ്ട് പേരില്‍ നിന്നായി 38.5 ലക്ഷം രൂപ നിക്ഷേപമായി വാങ്ങി തിരിച്ചുനല്‍കാതെ വഞ്ചിച്ചെന്നാണ് കേസ്. ഇതോടെ എം.സി. കമുറുദ്ദീനെതിരെ 75 വഞ്ചനകേസുകളായി. നിലവില്‍ അന്വേഷിക്കുന്ന പതിമൂന്ന് കേസുകള്‍ക്ക് പുറമേ അന്‍പതിലധികം വഞ്ചനകേസുകളുടെ എഫ്‌ഐആര്‍ ലോക്കല്‍ പൊലീസ് കൈമാറിയെന്ന് ക്രൈംബ്രാഞ്ച് എസ്പി കെ.കെ.മൊയ്തീന്‍കുട്ടി പറഞ്ഞു. ഈ കേസുകളിലും ക്രൈംബ്രാഞ്ച് അന്വേഷണം തുടങ്ങി. കാസര്‍കോട് എസ്പി ഡി.ശില്‍പ്പയടക്കം ഐപിഎസ് ഉദ്യോഗസ്ഥരെ കൂടി ചേര്‍ത്ത് വിപുലീകരിച്ച അന്വേഷണ സംഘം അടുത്ത ദിവസം യോഗം ചേരുമെന്നും എംഎല്‍എയെ ചോദ്യം ചെയ്യുന്നതടക്കമുള്ള കാര്യങ്ങള്‍ ഈ യോഗത്തില്‍ തീരുമാനിക്കുമെന്നും ക്രൈംബ്രാഞ്ച് അറിയിച്ചു.