പുഷ്പന്റെ സഹോദരന്‍ ബിജെപിയില്‍ ചേര്‍ന്നതിന് മറുപടിയുമായി പി. ജയരാജന്‍

കൂത്തുപറമ്പ് വെടിവെപ്പിലെ ജീവിക്കുന്ന രക്തസാക്ഷി പുഷ്പന്റെ സഹോദരന്‍ ശശി ബി ജെ പിയില്‍ അംഗത്വം സ്വീകരിച്ചതില്‍ പ്രതികരണവുമായി സിപിഎം നേതാവ് പി. ജയരാജന്‍. പുഷ്പന്റെ സഹോദരന്‍ സിപിഎം അംഗമായിരുന്നില്ല. പഴയ കോണ്‍ഗ്രസുകാരനാണ്. പോരാത്തതിന് കുടുംബത്തിലെ പ്രശ്‌നക്കാരനുമാണ്. ഇങ്ങനെ നാടും കുടുംബവും പുറം തളളിയ ആളുകളെ അന്വേഷിച്ച് ബി.ജെ.പിക്ക് പരസ്യം കൊടുക്കാമെന്നും പി. ജയരാജന്‍ വ്യക്തമാക്കി. കൊല്ലന്റെ ആലയിലെ തുരുമ്പ് കൊണ്ട് ആയുധം ഉണ്ടാക്കാന്‍ കഴിയില്ല ഇതാണ് ബിജെപിക്ക് ജനങ്ങള്‍ കൊടുക്കുന്ന മറുപടി.സിപിഎമ്മുമായി യാതൊരു ബന്ധവുമില്ലാത്ത പഴയ കോണ്‍ഗ്രസുകാരനായ ശശി ബിജെപിയില്‍ പോയെന്ന് കേട്ടപ്പോ ബിജെപികാരെക്കാളും സന്തോഷം കാണിക്കുന്നത് കോണ്‍ഗ്രസാണ്. കോണ്‍ഗ്രസ് എന്നത് ബിജെപിയിലേക്ക് ആളുകളെ റിക്രൂട്ട് ചെയ്യുന്ന ഏജന്‍സിയായി മാറിയിരിക്കുന്നുവെന്നും ജയരാജന്‍ കുറ്റപ്പെടുത്തി.