കൊവിഡ് ബാധിതയായ യുവതി ഇരട്ട കുഞ്ഞുങ്ങള്‍ക്ക് ജന്മം നല്‍കി

കൊവിഡ് സ്ഥിരീകരിച്ച യുവതി ഇരട്ട കുഞ്ഞുങ്ങള്‍ക്ക് ജന്മം നല്‍കി. കോഴിക്കോട് മെഡിക്കല്‍ കോളെജ് മാതൃ ശിശു ശിശു സംരക്ഷണ കേന്ദ്രത്തില്‍ ഇന്ന് രാവിലെയാണ് തിരുനാവായ സ്വദേശിയും തിരൂര്‍ അര്‍ബന്‍ ബേങ്ക് പട്ടര്‍നടക്കാവ് ബ്രാഞ്ചിലെ അപ്രൈസറുമായ രാജേഷിന്റെ ഭാര്യ സുരഭി (30)യാണ് ഇരട്ട കുട്ടികളെ പ്രസവിച്ചത്. കൊവിഡ് സ്ഥിരീകരിച്ച സുരഭിയെ അഞ്ച് ദിവസം മുമ്പാണ് മെഡിക്കല്‍ കോളെജില്‍ പ്രവേശിപ്പിച്ചത്. സുരഭിയുടെ രണ്ടാം പ്രസവമാണ്. കുട്ടികളെ നാല് ദിവസം എന്‍ഐസിയുവിലേക്ക് മാറ്റി. ഭര്‍ത്താവ് രാജേഷ് വീട്ടില്‍ ക്വാറന്റയിനിലാണുള്ളത്. അച്ഛന്‍ക്വാറന്റയിനിലും അമ്മ ആശുപത്രിയുമാണെന്നതിന്റെ ദു:ഖം കടിച്ചമര്‍ത്തിയ മൂത്ത കുട്ടി ആഘ്‌നേയ് (6) തനിക്ക് ഇരട്ട സഹോദരിമാര്‍ ജനിച്ചതിന്റെ സന്തോഷത്തിലാണ്. രാജേഷിന്റെ അമ്മയും സുരഭിയുടെ അമ്മയും പ്രാര്‍ത്ഥനയോടെ മെഡിക്കല്‍ കോളെജ് മാതൃ ശിശു സംരക്ഷണ കേന്ദ്രത്തില്‍ സുരഭിക്കൊപ്പമുണ്ട്.