സ്വർണകടത്തിന് പിന്നിൽ ഹൈദ്രാബാദ് സംഘം, സൗദി ബന്ധവും

കേരളത്തെ പിടിച്ചു കുലുക്കിയ സ്വർണകടത്തിന് പിന്നിൽ ഹൈദ്രാബാദ് കേന്ദ്രീകരിച്ചുള്ള സംഘങ്ങളെന്ന് സൂചന. ഇതു സംബന്ധിച്ച വിവരങ്ങൾ ചില മാധ്യമങ്ങളാണ് പുറത്തുവിട്ടിരിക്കുന്നത്.
കേരളത്തിൽ എത്തിച്ച സ്വർണം ഇവിടെ ആരും ഉപയോഗിച്ചിട്ടില്ലന്നും എല്ലാം കേരളത്തിന് പുറത്തുകൊണ്ടുപോവുകയായിരുന്നുവെന്നുമാണ് ഇപ്പോൾ എൻ ഐ എ അധീകരിച്ച് വരുന്ന വാർത്തകൾ വ്യക്തമാക്കുന്നത്.
ആദ്യ 10 തവണ നയതന്ത്ര പാഴ്‌സലിൽ ഒളിപ്പിച്ചു കൊണ്ടുവന്ന സ്വർണത്തിന്റെ ഭൂരിഭാഗവും കൊണ്ടുപോയതു ഹൈദരാബാദ് സ്വദേശിയായ രതീഷാണെന്ന് എൻഐഎ കണ്ടെത്തിയാതയിട്ടാണ് ഇവരുടെ വെളിപ്പെടുത്തൽ.
. കേസ് എൻഐഎ ഏറ്റെടുത്തയുടൻ രതീഷിനെ സൗദി അറേബ്യയിലേക്കു കടത്തിയതായും രഹസ്യാന്വേഷണ ഏജൻസികൾപറയുന്നു.

ഇയാളെ രാജുവെന്ന പേരിലാണു റമീസും ജലാലും അടക്കമുള്ള പ്രതികൾക്ക് അറിയാവുന്നത്. റമീസിന്റെ മൊഴികൾ പ്രകാരം രാജുവിനെ കേസിൽ 29-ാം പ്രതിയാക്കിയിട്ടുണ്ട്. ദുബായിൽനിന്നെത്തിച്ച് എൻഐഎ കസ്റ്റഡിയിൽ ചോദ്യം ചെയ്യുന്ന റബിൻസ് ഹമീദിന്റെ മൊഴികളിൽ നിന്നാണു രാജുവും രതീഷും ഒരാളാണെന്ന നിഗമനത്തിൽ അന്വേഷണ സംഘമെത്തിയത്.

ഹൈദരാബാദിലെ ജ്വല്ലറികളുമായി ബന്ധമുള്ളയാളല്ല ഇയാളെന്നാണ് എൻഐഎയുടെ നിഗമനം. കോവിഡിന്റെ പശ്ചാത്തലത്തിൽ വിദേശയാത്രയ്ക്കു കടുത്ത നിയന്ത്രണമുണ്ടായിരിക്കെ ഇയാളെ സൗദി അറേബ്യയിലേക്കു കടത്തിയത് ആരുടെ പിൻബലത്തിൽ ആണന്നതും പരിശോധിക്കുന്നുണ്ട്.