‘റിബലാവാന്‍ നോക്കിയാല്‍ കോണ്‍ഗ്രസില്‍ നിന്ന് ആജീവനാന്തം പുറത്ത്’

തദ്ദേശ തെരഞ്ഞെടുപ്പില്‍ റിബല്‍ സ്ഥാനാര്‍ഥിയായി മത്സരരംഗത്തെന്നുവരെ പാര്‍ട്ടിയില്‍ നിന്ന് ആജീവനാന്തം പുറത്താക്കുമെന്ന് കോണ്‍ഗ്രസ്. തദ്ദേശ തെരഞ്ഞെടുപ്പടുത്തിരിക്കെ റിബല്‍ സ്ഥാനാര്‍ഥികളായെത്തുന്നവരെ പുറത്താക്കാന്‍ പാര്‍ട്ടിയുടെ ഉന്നതതല യോഗത്തിലാണ് തീരുമാനമായത്. റിബലുകളായി രംഗത്തെത്തുന്നവരെ പാര്‍ട്ടിയില്‍ നിന്ന് പുറത്താക്കാറുണ്ടെങ്കിലും തെരഞ്ഞെടുപ്പില്‍ വിജയിച്ചാല്‍ അവരെ പാര്‍ട്ടി നോമിനിയായി തെരഞ്ഞെടുക്കാറാണ് പതിവ്. ഈ പ്രവണത നല്‍കുന്ന ആത്മവിശ്വാസം മൂലമാണ് പലരും റിബല്‍ വേഷം കെട്ടുന്നതെന്നു നേതൃത്വം നിരീക്ഷിച്ചു. ഡിസിസികള്‍ക്ക് കെപിസിസി അദ്ധ്യക്ഷന്‍ മുല്ലപ്പള്ളി രാമചന്ദ്രന്‍ നല്‍കിയിട്ടുള്ള നിര്‍ദ്ദേശ പ്രകാരം തദ്ദേശ സ്ഥാപനങ്ങളിലെ അധ്യക്ഷനെ തെരഞ്ഞെടുക്കാവനുള്ള ഉത്തരവാദിത്തം നേതൃത്വത്തിന്റേതാണ്.