തിരഞ്ഞെടുപ്പ് നടത്താൻ അവർ വരും , അടുത്ത ജില്ലയിൽ നിന്ന്

കോവിഡ് പ്രോട്ടോകൊളിൽ നിന്ന് തിരഞ്ഞെടുപ്പ് നടത്താൻ ഉദ്യോഗസ്ഥരും പൊലീസും എത്തുക അടുത്ത ജില്ലകളിൽ നിന്ന്. കഴിഞ്ഞ തവണ ജോലി ചെയ്തിന്റെ ഇരട്ടി ജീവനക്കാരാകും ഇത്തവണ ഡ്യൂട്ടിയിൽ ഉണ്ടാവുക.

ഒരു ദിവസത്തെ ഇടവേളയിൽ 2 ഘട്ടങ്ങളിലായിട്ടായിരിക്കും തിരഞ്ഞെടുപ്പ് നടക്കുക. ഓരോ ജില്ല ഇടവിട്ടായിരിക്കും ഈ ദിവസങ്ങളിൽ വോട്ടെടുപ്പ്. ഉദ്യോഗസ്ഥ- പൊലീസ് വിന്യാസം പൂർത്തിയാക്കാൻ വേണ്ടിയാണിത്. ഡിസംബർ പകുതിക്കു മുൻപു തിരഞ്ഞെടുപ്പു നടപടികൾ പൂർത്തിയാകും.

മണ്ഡലകാലം കൂടി കണക്കിലെടുത്തു വേണം തിരഞ്ഞെടുപ്പിനു പൊലീസ് സേനയുടെ വിന്യാസമെന്നു തീരുമാനിച്ചതിനെ തുടർന്നാണിത്.

ഈ ആഴ്ച തന്നെ തിരഞ്ഞെടുപ്പ് പ്രഖ്യാപനം വരുമെന്നാണു സൂചന. തീയതി സംബന്ധിച്ച ചർച്ച നടന്നില്ലെന്നും കോവിഡ് കോവിഡ് വ്യാപനം കൂടി പരിശോധിച്ച ശേഷമാകും അന്തിമ തീരുമാനം.

പൊലീസ് സേനയ്ക്ക് ആവശ്യമായ ഫണ്ട് എത്രയെന്ന് അറിയിക്കാൻ തിരഞ്ഞെടുപ്പ് കമ്മിഷണർ ഡിജിപിയോടു നിർദേശിച്ചിട്ടുണ്ട്. ബൂത്തുകളുടെ പട്ടിക കമ്മിഷൻ കൈമാറുന്ന മുറയ്ക്ക് പ്രശ്‌നബാധിത ബൂത്തുകളുടെ പട്ടിക പൊലീസും നൽകും.

തിരഞ്ഞെടുപ്പ് നടപടികളെക്കുറിച്ച് കലക്ടർമാരുമായി നാളെ കമ്മിഷണർ വിഡിയോ കോൺഫറൻസിലൂടെ ചർച്ച നടത്തും. ചീഫ് സെക്രട്ടറിയുമായുള്ള കൂടിക്കാഴ്ചയും നാളെയാണ്. കോവിഡ് വ്യാപനത്തിനിടെ തിരഞ്ഞെടുപ്പ് നടത്തുന്നതു സംബന്ധിച്ച് ആരോഗ്യവകുപ്പുമായി ഒരു തവണ കൂടി ചർച്ച നടത്താനും ഇടയുണ്ട്.