നിയമസഭാ തിരഞ്ഞെടുപ്പ് ഒരുക്കം തുടങ്ങി

അടുത്ത നിയമസഭാ തിരഞ്ഞെടുപ്പിനുള്ള നടനടപിക്രമങ്ങള്‍ തിരഞ്ഞെടുപ്പ് കമ്മീഷന്‍ തുടങ്ങി. തദ്ദേശ സ്വയംഭരണ തിരഞ്ഞെടുപ്പ് ചൂടിലേക്ക് കേരളം നീങ്ങുന്നതിനിടയിലാണ് കമ്മീഷന്‍ നിയമ സഭാതിരഞ്ഞെടുപ്പിന്റെ നടപടികള്‍ ആരംഭിക്കുന്നത്.
നിലവിലെ അവസ്ഥയില്‍ നിയമസഭാ തിരഞ്ഞെടുപ്പും കനത്ത കൊവിഡ് പ്രോട്ടോക്കോളിലായിരിക്കുന നടക്കുക. ബീഹാറില്‍ കൊവിഡ് പ്രോട്ടോക്കോള്‍ അനുസരിച്ച് തിരഞ്ഞെടുപ്പ് എന്ന് പറഞ്ഞെങ്കിലും ഇടയ്ക്ക് അത് ലംഘിക്കപ്പെട്ടിരുന്നു.
എന്നാല്‍ ടിക്കാറാം മീണ ഇക്കാര്യത്തില്‍ കര്‍ശന നടപടികള്‍ വേണമെന്ന നിര്‍ദേശം നല്‍കിയാതാണ് ഉദ്യോഗസ്ഥര്‍ നല്‍കുന്ന സൂചന.
പഞ്ചായത്ത് തിരഞ്ഞെടുപ്പ് പോലെ മൂന്ന് ഘട്ടമായിട്ടായിരിക്കും നിയമ സഭാ തിരഞ്ഞെടുപ്പും നടക്കാന്‍ സാധ്യത . തിരഞ്ഞെടുപ്പിന്റെ കരട് വോട്ടര്‍പട്ടിക നവംബര്‍ 16ന് പ്രസിദ്ധീകരിക്കുമെന്ന് മുഖ്യതിരഞ്ഞെടുപ്പ് ഓഫീസര്‍ ടിക്കാറാം മീണ അറിയിച്ചു. വിവിധ രാഷ്ട്രീയ കക്ഷി പ്രതിനിധികളുമായി തിങ്കളാഴ്ച നടന്ന ചര്‍ച്ചയിലാണ് തീരുമാനമെടുത്തത്. 2021 ജനുവരി ഒന്നോ അതിന് മുന്‍പോ 18 വയസ് പൂര്‍ത്തിയാക്കുന്ന എല്ലാവരും അര്‍ഹരായിരിക്കും.

കരട് വോട്ടര്‍ പട്ടികയിലെ തെറ്റുതിരുത്തുന്നതിനും പരാതികള്‍ അറിയിക്കാനും ഡിസംബര്‍ 15വരെ സമയമുണ്ട്. ഇതിനായി മുഴുവന്‍ രാഷ്ട്രീയ കക്ഷികളുടെയും ഉദ്യോഗസ്ഥരുടെയും ജനങ്ങളുടെയും സഹകരണം മുഖ്യതിരഞ്ഞെടുപ്പ് ഓഫീസര്‍ അഭ്യര്‍ത്ഥിച്ചു. വോട്ടര്‍പട്ടിക പുതുക്കുന്നതുമായി ബന്ധപ്പെട്ട നിര്‍ദ്ദേശങ്ങള്‍ ജില്ലാ കളക്ടര്‍മാര്‍ക്കും മറ്റു ബന്ധപ്പെട്ട ഉദ്യോഗസ്ഥര്‍ക്കും തിരഞ്ഞെടുപ്പ് കമ്മീഷന്‍ നേരത്തെ നല്‍കിയിരുന്നു.