പി സി പുതിയ നീക്കത്തില്‍ ഷോണ്‍ വഴി യുഡിഎഫിലേക്ക് ,

വിജയത്തിന് ബിഡിജെഎസ് പിന്‍തുണ ഉറപ്പാക്കി

പി സി ജോര്‍ജിന്റെ യു ഡി എഫ് പ്രവേശനം മകന്‍ ഷോണ്‍ ജോര്‍ജിലൂടെ ആക്കാന്‍ ശ്രമം തുടങ്ങി. അടുത്ത നിയമ സഭാ തിരഞ്ഞെടുപ്പില്‍ ഷോണിനെ പൂഞ്ഞാറില്‍ യു ഡി എഫ് സ്ഥാനാര്‍ത്ഥി ആക്കുന്നതിന്റെ ഭാഗമായിട്ടണ് പുതിയ നീക്കങ്ങള്‍.
ഇതിന്റെ ഭാഗമായിട്ടാണ് ജോസഫ് ഗ്രൂപ്പ് നേതാക്കള്‍ തങ്ങള്‍ ആദ്യം ആവശ്യപ്പെട്ട പൂഞ്ഞാര്‍ സീറ്റ് വിട്ടുകൊടുത്തത്. ഐ ഗ്രൂ നേതാവ് ജോസഫ് വാഴയ്ക്കനാണ് ഇക്കാര്യത്തില്‍ ഒപ്പം നില്‍ക്കുന്നത്.
ഇതിനിടെ കോട്ടയം ജില്ലയില്‍ പൂഞ്ഞാറില്‍ മാത്രം ബി ഡി ജെ എസ് എന്‍ ഡി യുമായി സഹകരണത്തിനില്ല എന്ന വിവരവും പുറത്തുവരുന്നുണ്ട്. അവിടെ നിയയോജക മണ്ഡലം കമ്മിറ്റി തങ്ങള്‍ക്ക് കൂടുതല്‍ സീറ്റ് ലഭിക്കുന്ന കൂട്ടുക്കെട്ടിലേക്ക് നീങ്ങുമെന്നാണ് സംസ്ഥാന നേതാക്കളെ അറിയിച്ചിരിക്കുന്നത്. കാഞ്ഞിരപ്പള്ളിയില്‍ നിയമസഭാ സീറ്റില്‍ മത്‌സരിക്കാന്‍ തയാറെടുക്കുന്ന ബി ഡി ജെ എസ് നേതാവിന്റെ നേതൃത്വത്തിലാണ് ചര്‍ച്ചകള്‍ നടക്കുന്നത്. ഇവരുടെ സീറ്റുകള്‍ ഷോണ്‍ ജോര്‍ജ് ഉറപ്പാക്കി എന്നാണ് സൂചന.

ജയസാധ്യതയില്ലാത്ത ആളെ സ്ഥാനാര്‍ഥിയാക്കി വോട്ടുകള്‍ ഷോണിനു മുന്‍തൂക്കം നല്‍കി കൊടുത്ത് തോല്‍വി ഏറ്റുവാങ്ങി ഷോണിനെ ജയിപ്പിക്കുകയാണ് ലക്ഷ്യം. അതുവഴി നിയമസഭാ തിരഞ്ഞെടുപ്പില്‍ ഷോണിനെ അവിടെ നിര്‍ത്താന്‍ സാധിക്കും. നിലവില്‍ ഇനി താന്‍ പൂഞ്ഞാറില്‍ ഇല്ലെന്ന് പി സി ജോര്‍ജ് പറഞ്ഞു കഴിഞ്ഞു. ജോസഫ് വിഭാഗത്തിലെ സജി മഞ്ഞകടമ്പന്‍ അടക്കം നേതാക്കള്‍ പൂഞ്ഞാറില്‍ സീറ്റിനായി ശ്രമിച്ചിരുന്നു . ജോസഫ് വിഭാഗത്തില്‍ പലനേതാക്കള്‍ക്കും ഈ സീറ്റ് കൂടി വേണമെന്നുണ്ടായിരുന്നെങ്കിലും എ ഗ്രൂപ്പിന്റെ തന്ത്രപരമായ നീക്കങ്ങള്‍ കാരണം പിന്മാറിയതാണെന്നാണ് സംസാരം. അതിനാല്‍ ഈ സീറ്റിനുവേണ്ടി ജോസഫ് ബലം പിടിച്ചതുമില്ല.