കൊടിയേരിയുടെ അവധി ചികിത്‌സ അനുസരിച്ച്

പാര്‍ട്ടി സെക്രട്ടറി കോടിയേരി ബാലകൃഷ്ണൻ തുടർചികിൽസ വേണമെന്നും അവധി അനുവദിക്കണമെന്നും ആവശ്യപ്പട്ടപ്പോൾ സെക്രട്ടേറിയറ്റ് യോഗം അംഗീകരിക്കുകയായിരുന്നെന്ന് എം.വി.ഗോവിന്ദൻ. സെക്രട്ടറിയുടെ ചുമതല നിർവഹിക്കാൻ കോടിയേരിക്കു കഴിയാത്ത സാഹചര്യത്തിൽ എ.വിജരാഘവനു ചുമതല നൽകുകയായിരുന്നു.

എത്രകാലത്തേക്കാണ് അവധിയെന്നത് ചികിൽസ നടത്തിയാലേ പറയാൻ കഴിയൂ. ബിനീഷ് കോടിയേരിയുടെ കാര്യത്തിൽ പാർട്ടിയും കോടിയേരിയും അഭിപ്രായം നേരത്തെ പറഞ്ഞിട്ടുള്ളതാണ്. കോടിയേരിക്ക് ഇനിയും തുടർച്ചയായി ചികിൽസ ആവശ്യമാണ്. അപ്പോൾ പകരം ആളെ ചുമതലപ്പെടുത്തേണ്ടിവരും.

മുൻപും പാർട്ടി രാഷ്ട്രീയ പ്രചാരണങ്ങളെ നേരിട്ടിട്ടുണ്ട്, ഇതും നേരിടും. പാർട്ടിയെ ഇതൊന്നും ബാധിക്കില്ല. പാർട്ടി കൂട്ടായി മുന്നോട്ടുപോകും. പിബി ഈ തീരുമാനം അംഗീകരിക്കുമെന്നാണ് പ്രതീക്ഷിക്കുന്നതെന്നും എം.വി.ഗോവിന്ദൻ പറഞ്ഞു.