ഇഡിയുടെ കണ്ടത്തെൽ സ്വർണകടത്ത് കേസ് അട്ടിമറിക്കുമോ

സ്വപ്‌നയുടെ ലോക്കറിൽ നിന്ന് കണ്ടെത്തിയ ഒരുകോടി രൂപ സംബന്ധിച്ച് ഇഡി നടത്തിയ കണ്ടത്തലുകളുടെ സത്യം ചികഞ്ഞില്ലങ്കിൽ രാഷ്ട്രീയ കോളിളക്കം സൃഷ്ടിച്ച സ്വർണകടത്ത് കേസിന്റെ നിലിൽപ്പ് തന്നെ ഇല്ലാതാക്കും.
ഇഡി യുടെ കണ്ടത്തൽ അംഗീകരിച്ച് കസ്റ്റംസും എൻ ഐ എ യുടെ മുന്നോട്ടു നീങ്ങിയാൽ രാജ്യസുരക്ഷയെ ബാധിക്കുന്ന സ്വർണകടത്ത് കേസിൽ വീണ്ടും ഒന്നിൽ നിന്ന് അന്വേഷണം തുടങ്ങണം. അല്ലങ്കിൽ ആകേസിൽ വിദേശത്തുള്ള പ്രതികൾക്കടക്കം രക്ഷപെടാനുള്ള പഴുത് ഒരുക്കുകയായിരിക്കും ഫലം.
ലോക്കറിൽ നിന്ന് എൻഐഎ കണ്ടെടുത്ത ഒരുകോടി രൂപ സ്വർണക്കടത്തിൽ സ്വപ്നയ്ക്കു ലഭിച്ച പ്രതിഫലമാണെന്നാണു കസ്റ്റംസും എൻഐഎയും കണ്ടെത്തിയത്. എന്നാൽ, ഇതു തകിടം മറിക്കുന്ന സത്യവാങ്മൂലമാണു കഴിഞ്ഞയാഴ്ച എൻഫോഴ്‌സ്‌മെന്റ് ഡയറക്ടറേറ്റ് കോടതിയിൽ സമർപ്പിച്ചത്. ലോക്കറിലെ പണം, ലൈഫ് മിഷൻ പദ്ധതിയിൽ ശിവശങ്കറിനു ലഭിച്ച കോഴയാണെന്നാണ് ഇഡിയുടെ വാദം.
എന്നാൽ ഈ പണം കള്ളക്കടത്തിൽ നിന്ന് സ്വപ്‌നയ്ക്കു ലഭിച്ചതാണെന്നും ഇതേ രീതിയിൽ കടത്തിന് സഹായിച്ച മറ്റുള്ളവർക്കും പണം ലഭിച്ചിട്ടുണ്ടെന്നും കസ്റ്റംസും എൻ ഐ എ യും പറയുന്നു. ഇവർക്ക് പണം നൽകികൊണ്ട് ദുബായിയിൽ നിന്നുള്ള ബുദ്ധികേന്ദ്രമാണ് നയതന്ത്രചാനലിലൂടെ സ്വർണം കടത്തിയതെന്നുമുള്ള നിലപാടിലാണ് കസ്റ്റംസ് എൻ ഐ എ എന്നീ ഏജൻസികൾ പക്ഷെ ഇഡി ശിശങ്കറിനെ കസ്റ്റഡിൽെടുക്കാൻ കാണിച്ച വിവരങ്ങൾ അംഗീകരിക്കപ്പെട്ടാണ് ഈ കേസ് ഇല്ലാതാകുന്ന സ്ഥിതി വരുമെന്ന് നിയമവിദഗ്ധർ പറയുന്നു.

സ്വപ്നയുടെ ലോക്കറിലെ പണം ലൈഫ് മിഷൻ കോഴയാണെന്ന ഇഡിയുടെ വാദം അംഗീകരിച്ചാൽ, സ്വർണക്കടത്ത് കേസിൽ പിടിലായവർക്കുള്ള സാമ്പത്തിക നേട്ടം തെളിയിക്കുന്ന കാര്യത്തിൽ കസ്റ്റംസിനു തിരിച്ചടിയാകും. സംസ്ഥാന പദ്ധതിയിലെ കോഴപ്പണം സ്വർണക്കടത്തുമായി ബന്ധിപ്പിക്കാനാകില്ല.
അതുകൊണ്ട് വളരെ സൂഷ്മമായിട്ടാണ് ഇഡിയുടെ കേസിനെ മറ്റ് ഏജൻസികൾ പരിശോധിക്കുന്നത്.