സിബിഐ അനുമതി തേടണം : സുപ്രീം കോടതി

സിബിഐ അന്വേഷണങ്ങൾക്ക് സംസ്ഥാന അനുമതി നിർബന്ധമെന്നു സുപ്രീംകോടതി. സർക്കാർ ഉദ്യോഗസ്ഥർക്കെതിരായ അന്വേഷണത്തിനാണ് അനുമതി വേണ്ടത്. അല്ലാതെയുള്ള അന്വേഷണം ഫെഡറൽ തത്വങ്ങൾക്ക് വിരുദ്ധമെന്നും സുപ്രീംകോടതി വിലയിരുത്തി.

ഡൽഹി സ്പെഷൽ പൊലീസ് എക്സ്റ്റാബ്ലിഷ്മെന്റ് നിയമം അനുസരിച്ചാണ് സിബിഐ കേസെടുക്കുന്നത്. ഓരോ സംസ്ഥാനത്തിലും അന്വേഷണത്തിന് അതതു സർക്കാരുകളുടെ അനുമതി വേണം. കേരളം ഉൾപ്പെടെയുള്ള മിക്ക സംസ്ഥാനങ്ങളും അന്വേഷണത്തിനു പൊതുഅനുമതി മുൻകൂട്ടി നൽകിയിരുന്നു.

ചത്തീസ്ഗഡ്, രാജസ്ഥാൻ, ബംഗാൾ, മഹാരാഷ്ട്ര സംസ്ഥാനങ്ങളും സിബിഐ അന്വേഷണത്തിനു നൽകിയ അനുമതി പിൻവലിച്ചിരുന്നു. സിബിഐക്ക് നൽകിയിരുന്ന പൊതുസമ്മതപത്രം പിൻവലിക്കാൻ സംസ്ഥാന സർക്കാരും തീരുമാനിച്ചിരുന്നു.