സ്റ്റേയില്ല അപ്പോള്‍ അവരെല്ലാം സ്വതന്ത്രരോ

രണ്ടില ചിഹ്നം ജോസ് കെ. മാണിക്ക് അനുവദിച്ചതിനെതിരെ പി.ജെ. ജോസഫ് നല്‍കിയ ഹര്‍ജിയില്‍ സ്റ്റേ ഇല്ലാതായതോടെ തദ്ദേശ സ്വയംഭരണ തിരഞ്ഞെടുപ്പില്‍ മത്‌സരിക്കുന്ന ജോസഫ് ഗ്രൂപ്പ് സ്ഥാനാര്‍ത്ഥികള്‍ സ്വതന്ത്രര്‍ ആകുമോ.
ജോസ് കെ മാണിക്ക് ലഭിച്ചിരിക്കുന്ന കേന്ദ്രതിരഞ്ഞെടുപ്പ് കമ്മീഷന്‍ ഉത്തരവ് അനുസരിച്ച് ചിഹ്‌നവും പേരും അവര്‍ക്ക് അവകാശപ്പൊതാണ്. അതിലെ ചിലകാര്യങ്ങളെ ചൊല്ലി തര്‍ക്കം ഉന്നിയിച്ചാണ് പി ജെ കോടതിയില്‍ പോയത്.
തിരഞ്ഞെടുപ്പ് കമ്മീഷന്റെ ഉത്തരവ് സ്റ്റേ ചെയ്യണമെന്ന ആവശ്യമാണ് കോടതി തള്ളിയത്.

ഹൈക്കോടതി സിംഗിള്‍ ബെഞ്ചാണ് രണ്ടില ചിഹ്നം ജോസ് കെ. മാണിക്ക് അവകാശപ്പെട്ടതാണെന്ന തിരഞ്ഞെടുപ്പ് കമ്മീഷന്റെ ഉത്തരവ് ശരിവെച്ചത്. ഇതിനെ ചോദ്യംചെയ്താണ് പി. ജെ. ജോസഫ് ഹൈക്കോടതി ഡിവിഷന്‍ ബെഞ്ചില്‍ അപ്പീല്‍ നല്‍കിയത്. ചീഫ് ജസ്റ്റിസ് ഉള്‍പ്പെട്ട ഡിവിഷന്‍ ബെഞ്ചാണ് അപ്പീല്‍ പരിഗണിച്ചത്.

ചിഹ്നം ജോസഫ് വിഭാഗത്തിന് അനുവദിക്കണമെന്ന ആവശ്യം കോടതി പരിഗണിച്ചില്ല. സ്റ്റേ നല്‍കാനാവില്ലെന്ന് കോടതി വ്യക്തമാക്കി. അതേസമയം, പി.ജെ. ജോസഫിന്റെ ഹര്‍ജി ഫയലില്‍ സ്വീകരിച്ച് വിശദമായ വാദം കേള്‍ക്കാന്‍ കോടതി തീരുമാനിച്ചു. വിഷയത്തില്‍ ഇടക്കാല ഉത്തരവിറക്കിയ കോടതി വിശദമായ വാദം കേട്ടതിന് ശേഷം അന്തിമ ഉത്തരവിറക്കും.
അതുവരെ തിരഞ്ഞെടുപ്പ് കമ്മീഷന്‍ തീരുമാനം അനുസരിച്ചുള്ള കേരള കോണ്‍ഗ്രസ് എം ജോസ് കെ മാണി ചെയര്‍മാനായുള്ള കേരള കോണ്‍ഗ്രസ് ( എം ) ആണ്. അവര്‍ക്ക് മാത്രമാണ് ആ പരിഗണന കിട്ടുക. അതിനാല്‍ ചെണ്ട ചിഹ്‌നത്തില്‍ മതസരിക്കുന്നവര്‍ സ്വതന്ത്രരായി മാറേണ്ടിവരും പാര്‍ട്ടിയുടെ പേരോ അതനുസരിച്ചുള്ള പരിഗണനയോ കിട്ടില്ല.