സ്വർണകടത്ത് : ബിജെപി ഉന്നതനെ കണ്ടു

വിവാദമായ സ്വർണകടത്ത് അന്വേഷണവുമായി കേരളത്തിൽ എത്തിയ ചിലർ സംസ്ഥാന ബി ജെ പി യിലെ ഒരു പ്രധാനിയെ കണ്ടു.
എന്തിനുവേണ്ടിയാണ് സന്ദർശനം എന്ന കാര്യത്തിൽ ഇവർ ആരും മാധ്യമങ്ങളോട് വെളിപ്പെടുത്തിയിട്ടില്ല. വിവിധ സമയങ്ങളിലായിട്ടാണ് ഇവർ ഇദ്ദേഹത്തെ കണ്ടിരിക്കുന്നത്. കേസുമായി ബന്ധപ്പെട്ട വിവരശേഖരണമായിരുന്നോ ലക്ഷ്യം എന്ന കാര്യത്തിലും വിശദീകരണം ഉണ്ടായിട്ടില്ല.
ഇതിനിടെ കേസ് അന്വേഷണം സംബന്ധിച്ച് ഒരേ മനസുപോലെ പോയിരുന്ന മുരളീധരനും സുരേന്ദ്രനും തമ്മിൽ അത്ര സ്വരചേർച്ചയിൽ അല്ല എന്ന വാർത്തകളും പുറത്തുവന്നു തുടങ്ങി. കഴിഞ്ഞ ദിവസം പത്രസമ്മേളനം നടത്തി സുരേന്ദ്രൻ പറഞ്ഞ കാര്യങ്ങളെക്കുറിച്ച് തനിക്ക് ഒന്നും അറിയില്ല എന്ന് പറഞ്ഞ് ഒഴിയുകയായിരുന്നു അദ്ദേഹം ചെയ്തത്.
സ്വർണക്കടത്ത് കേസിലെ പ്രധാന ഗുണഭോക്താവ് മുഖ്യമന്ത്രിയാണെന്നാണ് തുടക്കം മുതൽ സുരേന്ദ്രൻ പറയുന്നത്. മുഖ്യമന്ത്രി മാത്രമല്ല, മന്ത്രിസഭയിലെ അംഗങ്ങളും നിയമസഭ സ്പീക്കർ അടക്കമുള്ളവരും സ്വണ്ണക്കള്ളകടത്തുകാരെ സഹായിച്ചുവെന്നും സുരേന്ദ്രൻ ആരോപിച്ചു. എന്നാൽ ഇക്കാര്യത്തിൽ ഇതുവരെ ഒരു തെളിവ് പോലും ലഭിക്കാത്തത് അന്വേഷണ ഉദ്യോഗസ്ഥരെയും വലയ്ക്കുന്നുണ്ട്. പഞ്ചായത്ത് തിരഞ്ഞെടുപ്പിൽ ഒരു സ്ഥലത്തും സുരേന്ദ്രന്റെ ആരോപണങ്ങൾ ബിജെപി ചർച്ച ആക്കിയിട്ടില്ല.
അതിനിടെയിൽ കേരളത്തിലെ നേതാക്കളെക്കുറിച്ച് കേന്ദ്രഏജൻസി തന്നെ അമിത്ഷായ്ക്ക് പരാതി നൽകി എന്ന വിവരവും പുറത്തുവന്നു.