സുരേന്ദ്രനു പിന്നാലെ സ്പീക്കര്‍ക്കെതിരെ ചെന്നിത്തല

മുഖ്യമന്ത്രിക്കെതിരെ ആരോപണങ്ങള്‍ തുടര്‍ച്ചയായി ഉന്നയിച്ചുകൊണ്ടിരുന്ന ചെന്നിത്തല ട്രാക്കുമാറി സ്പീക്കര്‍ ശ്രീ രാമകൃഷ്ണനിലേക്ക് തിരി്ഞ്ഞു.
ബി ജെപി സംസ്ഥാന പ്രസിഡന്റ് കെ സുരേന്ദ്രനായിരുന്നു നതേ രീതിയില്‍ സ്പീക്കറിലേക്ക് ആരോപണങ്ങളുമായി മാറിയത്. ബി ജെപി യുടെ ആരോപണങ്ങള്‍ മാധ്യമങ്ങളില്‍ വന്നതിനെ തുടര്‍ന്ന് വ്യക്തമായ വിശദീകരണം സ്പീക്കറുടെ ഓഫീസ് നല്‍കിയിരുന്നു.
സംസ്ഥാന നിയമസഭയില്‍ സ്പീക്കറുടെ നേതൃത്വത്തില്‍ നടന്നത് അടിമുടി ധൂര്‍ത്തെന്നാണ് രമേശ് ചെന്നിത്തലയുടെ ആരോപണം. ലോക കേരള സഭയുടെ പേരില്‍ ഊരാളുങ്കല്‍ ലേബര്‍ കോണ്‍ട്രാക്ട് സൊസൈറ്റി വഴി വന്‍ ധൂര്‍ത്ത് അരങ്ങേറി. നിയമസഭയിലെ ചെലവുകള്‍ പരിശോധിക്കപ്പെടില്ലെന്ന പഴുത് ദുരുപയോഗം ചെയ്തു. ഇതു സംബന്ധിച്ച് ഗവര്‍ണര്‍ക്ക് പരാതി നല്‍കുമെന്നാണ് ചെന്നിത്തല പറയുന്നത്. . സ്പീക്കറുടെ ഇടപെടലുകളെ കുറിച്ച് അന്വേഷണം വേണമെന്നും ആവശ്യപ്പെടും.

അന്വേഷണം ആവശ്യപ്പെട്ട് ഗവര്‍ണര്‍ക്ക് നാളെ പരാതി നല്‍കുമെന്നും രമേശ് ചെന്നിത്തല. നിയമസഭാ ഹാള്‍ നവീകരണം, നിയമസഭാ ടിവിയുടെ കണ്‍സല്‍ടന്‍സി നിയമനം, ഫെസ്റ്റിവല്‍ ഓഫ് ഡെമോക്രസി ആഘോഷം എന്നിങ്ങനെ അഞ്ച് കാര്യങ്ങളുമായി ബന്ധപ്പെട്ടാണ് അനേഷണം ആവശ്യപ്പെടുക.