ജോസിനെ തര്‍ക്കത്തില്‍ കുടുക്കി, പുതിയ പാര്‍ട്ടിക്കൊരുങ്ങി ജോസഫ്

കേരളകോണ്‍ഗ്രസ് ചേരും ചിഹ്‌നവും സംബന്ധിച്ച തര്‍ക്കം കോടതിയില്‍ തുടരുമ്പോള്‍ പുതിയ പാര്‍ട്ടി രൂപീകരണത്തിന് അണിയറയില്‍ നീക്കം.
കോടതിയില്‍ സമര്‍പ്പിച്ച കേസിലും മറ്റു രേഖകളിലും കേരള കോണ്‍ഗ്രസ് എം എന്ന പേര് രേഖപ്പെടുത്തിയിട്ടുള്ളത് നിയമപരമല്ലന്ന് ജോസ് കെ മാണി വിഭാഗം ചൂണ്ടിക്കാട്ടിയതിനെത്തുടര്‍ന്നാണ് ഹൈക്കോടതി ജെസ്റ്റിസ് എ മുഹമ്മദ് മുഷ്താക്കിന്റെ നിര്‍ദ്ദേശം.
രണ്ടില ചിഹ്നവും കേരള കോണ്‍ഗ്രസ് എം എന്ന പേരും ജോസ് കെ മാണി വിഭാഗത്തിന് അനുവദിച്ച തെരഞ്ഞെടുപ്പ് കമ്മീഷന്റെ ഉത്തരവ് ഹൈക്കോടതി സിംഗിള്‍ ബഞ്ച് ശരിവച്ചതായും വിശദീകരിച്ചു.
നിലവിലെ ചിഹ്‌നവും പേരും ആര്‍ക്കും ഉപയോഗിക്കാന്‍ സാധിക്കില്ലന്ന രീതിയില്‍ ഒരു വിധി കോടതിയില്‍ നിന്ന് നേടിയെടുത്ത ശേഷം പുതിയ പാര്‍ട്ടിയുമായി രംഗത്ത് വരനാാണ് നീക്കം.
കേരള കോണ്‍ഗ്രസ് എം എന്ന പേരും, രണ്ടില ചിഹ്‌നവും നഷ്ടമായാല്‍ ജോസ് കെ മാണിക്ക് നിലനില്‍ക്കാന്‍ സാധിക്കില്ലന്നാണ് ഇവരുടെ വിലയിരുത്തല്‍. അതിനാല്‍ കാലങ്ങളായി പരിചിതമായിരിക്കുന്ന ചിഹ്‌നത്തിനെ തര്‍ക്കചിഹ്‌നമാക്കി മാറ്റാനാണ് നീക്കം. ഇതിനു വേണ്ടി സുപ്രീം കോടതി വരെ പോ്കാനണ് അഭിഭാഷകരോട് ആവശ്യപ്പെട്ടിരിക്കുന്നത്.
ജോയി എബ്രഹാം, ഫ്രാന്‍സിസ് ജോര്‍ജ് , ജോണി നെല്ലൂര്‍ എന്നിവരുടെ നേതൃത്വത്തിലാണ് പാര്‍ട്ടിക്ക് വേണ്ടിയുള്ള നീക്കങ്ങള്‍ ആരംഭിച്ചിരിക്കുന്നത്. ഇതിനിടെ കേരള കോണ്‍ഗ്രസ് എന്ന പേര് കൈവശത്തിലുള്ള പി സി തോമസിനെ ഒപ്പം കൊണ്ടുവന്ന് ആ പേരിലേക്ക് മാറിയാലോ എന്ന ആ ലോചനയും സജീവമാണ്.
ഇക്കാര്യത്തില്‍ ഇപ്പോള്‍ കൂട്ടത്തിലുള്ള മുതിര്‍ന്ന നേതാക്കളുടെയും യു ഡി എഫിന്റെ അനുമതി ആവശ്യമാണ്. അതിനുള്ള ശ്രമമാണ് പി ജെ ഇപ്പോള്‍ നടത്തുന്നത്.
പേര് കൂടി നഷ്ടമായ നിലയിലാണ് ഇതിനുള്ള നടപടികള്‍ സജീവമാക്കിയിരിക്കുന്നത്.