സ്വന്തം ജില്ലയില്‍ വിജയമുണ്ടാക്കാന്‍ സാധിക്കാത്ത നേതാവിന് യാതൊരു വിലയും ഉണ്ടാവില്ല; കോണ്‍ഗ്രസ് നേതൃത്വത്തിനെതിരെ തുറന്നടിച്ച് കെ സുധാകരന്‍

തെരഞ്ഞെടുപ്പ് തോല്‍വിക്ക് പിന്നാലെ കോണ്‍ഗ്രസില്‍ പൊട്ടിത്തെറി, കെപിസിസി നേതൃത്വത്തിനെതിരെ രൂക്ഷവിമര്‍ശനവുമായി കെ സുധാകരന്‍ എംപി രംഗത്ത് വന്നു.കോണ്‍ഗ്രസില്‍ നേതൃത്വത്തിന്റെ കുറവുണ്ടെന്നും തിരുവനന്തപുരത്ത് ബിജെപി വളരാന്‍ കാരണം കോണ്‍ഗ്രസിന്റെ വീഴ്ചയാണെന്നും സുധാകരന്‍ ആരോപിച്ചു. ഉമ്മന്‍ ചാണ്ടിയുടേയും രമേശ് ചെന്നിത്തലയുടെയും ജില്ലകളില്‍ കോണ്‍ഗ്രസ് പുറകോട്ട് പോയതില്‍ ആത്മപരിശോധന നടത്തണം. നേതൃത്വത്തില്‍ ഹൈക്കമാന്റ് നേരിട്ടിടപെട്ട് മാറ്റം വരണം. കെപിസിസി തലത്തിലും ജില്ലാതലത്തിലും അത് പ്രകടമാകണം, രാഹുല്‍ ഗാന്ധിയെ നേരിട്ട് കണ്ട് കാര്യങ്ങള്‍ ധരിപ്പിക്കും, സുധാകരന്‍ പറഞ്ഞു.
സ്വന്തം ജില്ലയില്‍ റിസള്‍ട്ട് ഉണ്ടാക്കാന്‍ പറ്റാത്ത നേതാവിന് ഒരു വിലയും ഉണ്ടാവില്ലെന്ന് സുധാകരന്‍ പറഞ്ഞു, ജോസ് കെ മാണി മുന്നണി വിട്ടത് മധ്യകേരളത്തില്‍ വലിയ ദുരന്തത്തിന് വഴി വെച്ചു എന്നും സുധാകരന്‍ പറഞ്ഞു, ജോസ് കെ മാണിയെ പുറത്താക്കുന്നതിന് താന്‍ എതിരായിരുന്നു എന്നും സുധാകരന്‍ പറഞ്ഞു. വെല്‍ഫെയര്‍ പാര്‍ട്ടിയുമായി ഉണ്ടാക്കിയ ബന്ധം ഗുണം ചെയ്‌തെന്നും കല്ലാമലയില്‍ ആര്‍എംപിയെ അപമാനിച്ചു എന്ന തോന്നല്‍ വിപരീത ഫലം ചെയ്‌തെന്നും സുധാകരന്‍ പറഞ്ഞു.