ലോക്ഡൗണില്‍ നിര്‍ത്തിയ കെഎസ്ആര്‍ടിസിയുടെ മുഴുവന്‍ സര്‍വിസുകളും നാളെ മുതല്‍ പുനരാരംഭിക്കും

തിരുവനന്തപുരം: കോവിഡിന്റെ പശ്ചാത്തലത്തില്‍ ലോക്ഡൗണിനെത്തുടര്‍ന്ന് നിര്‍ത്തിവച്ച കെഎസ്ആര്‍ടിസിയുടെ മുഴുവന്‍ സര്‍വിസുകളും നാളെ ( വെള്ളിയാഴ്ച) മുതല്‍ പുനരാരംഭിക്കുവാന്‍ തീരുമാനം.സിഎംഡി ബിജുപ്രഭാകര്‍ ആണ് ഇക്കാര്യം അറിയിച്ചത്. ഇതുസംബന്ധിച്ച് എല്ലാ യൂണിറ്റ് ഓഫീസര്‍മാര്‍ക്കും നിര്‍ദേശം നല്‍കി.
ഫാസ്റ്റ് പാസഞ്ചറുകള്‍ രണ്ട് ജില്ലകള്‍ വരെയും സൂപ്പര്‍ ഫാസ്റ്റുകള്‍ നാല് ജില്ലകള്‍ വരെയും മാത്രം ഓപ്പറേറ്റ് ചെയ്യുന്ന സമ്ബ്രദായം തുടരുമെന്നും സിഎംഡി അറിയിച്ചു. അടുത്ത ആഴ്ചയോടെ പൂര്‍ണതോതില്‍ സര്‍വ്വീസ് ആരംഭിക്കാനുമെന്നാണ് കെഎസ് ആര്‍ടിസി പ്രതീക്ഷിക്കുന്നത്.

ക്രിസ്മസ്- പുതുവത്സര ദിനത്തോടനുബന്ധിച്ച് പ്രത്യേക അന്തര്‍ സംസ്ഥാന സര്‍വിസ് നടത്താനും കെഎസ്ആര്‍ടിസി തീരുമാനിച്ചു. ഡിസംബര്‍ 21 മുതല്‍ ജനുവരി നാലു വരെയാണ് പ്രത്യേക സര്‍വിസ്.

സര്‍വിസുകളും സമയക്രമവും:

ബെംഗളുരു - കോഴിക്കോട് ( സൂപ്പര്‍ എക്സ്പ്രസ്) മാനന്തവാടി , കുട്ട വഴി രാത്രി- 9.45 ന്
ബെംഗളുരു- കോഴിക്കോട് ( സൂപ്പര്‍ ഡീലക്‌സ്) മാനന്തവാടി , കുട്ട വഴി രാത്രി- 9.20ന്
ബെംഗളുരു- കോഴിക്കോട് ( സൂപ്പര്‍ ഡീലക്‌സ്)- മാനന്തവാടി , കുട്ട വഴി രാത്രി- 10.15 ന്
ബെംഗളുരു -തൃശൂര്‍ ( സൂപ്പര്‍ ഡീലക്‌സ്) പാലക്കാട് സേലം വഴി- രാത്രി- 7.25 ന്
ബെംഗളുരു - എറണാകുളം ( സൂപ്പര്‍ ഡീലക്‌സ്) പാലക്കാട് , സേലം വഴി- രാത്രി- 6.40ന്
ബെംഗളുരു - തിരുവനന്തപുരം ( സൂപ്പര്‍ ഡീലക്‌സ്) പാലക്കാട് , സേലം വഴി വൈകിട്ട് 6ന്
ബെംഗളുരു- കോട്ടയം ( സൂപ്പര്‍ ഡീലക്‌സ്) പാലക്കാട് സേലം വഴി- വൈകിട്ട് 6.15 ന്
ബെംഗളുരു - കണ്ണൂര്‍- (സൂപ്പര്‍ ഡീലക്‌സ്) ഇരിട്ടി, മട്ടന്നൂര്‍ വഴി- രാത്രി 10.10 ന്
ബെംഗളുരു - കണ്ണൂര്‍ (സൂപ്പര്‍ ഫാസ്റ്റ്) ഇരിട്ടി, കൂട്ടുപുഴ വഴി- രാത്രി- 11ന്
ബെംഗളുരു- പയ്യന്നൂര്‍ ( സൂപ്പര്‍ എക്സ്പ്രസ്) ചെറുപുഴ വഴി - രാത്രി 10.15 ന്
ബെംഗളുരു- സുല്‍ത്താന്‍ ബത്തേരി ( സൂപ്പര്‍ ഫാസ്റ്റ്)- മൈസൂര്‍ വഴി- രാത്രി 11.55 ന്
ചെന്നൈ - തിരുവനന്തപുരം ( സൂപ്പര്‍ ഡീലക്‌സ്) ട്രിച്ചി, മധുര, നാ?ഗര്‍കോവില്‍ വഴി- വൈകിട്ട് 5ന്