പ്രസ്സ് ക്ലബ്ബില്‍ മോഷണം

ആലപ്പുഴ: നവീകരണ പ്രവര്‍ത്തനം നടക്കുന്ന ആലപ്പുഴ പ്രസ്സ് ക്ലബ്ബില്‍ മോഷണം നടന്നു. വെള്ളിയാഴ്ച രാത്രിയാണ് സംഭവം. പ്രസ്സ് ക്ലബ്ബിന് മുന്‍ഭാഗത്തെ ഷട്ടര്‍ പൂട്ടിയിരുന്നെങ്കിലും നിര്‍മ്മാണ പ്രവര്‍ത്തനങ്ങള്‍ നടക്കുന്ന പിന്‍ഭാഗത്ത് കൂടി കടന്നാണ് മോഷണം നടത്തിയത്.

ഇലക്ട്രോണിക്ക് ഉപകരണങ്ങളാണ് മോഷണം പോയത്. കമ്പ്യൂട്ടര്‍,യു പി എസ്സ്, ആംബ്ലിഫയര്‍, സ്‌കാനര്‍ എന്നിവ മോഷണം പോയി. പ്രസ്സ് ക്ലബ് ഹാളില്‍ നവീകരണ പ്രവര്‍ത്തനങ്ങള്‍ നടക്കുന്നതിനാല്‍ ഏറ്റവും മുകളിലത്തെ സ്റ്റോര്‍ ഹാളിലാണ് ഇവ സൂക്ഷിച്ചിരുന്നത്. ഇന്‍വെര്‍ട്ടര്‍ താഴത്തെ നിലയില്‍ ഉപേക്ഷിച്ച നിലയിലാണ്. മറ്റ് എവിടെ നിന്നോ മോഷ്ട്ടിച്ച കമ്പ്യൂട്ടര്‍ മോണിട്ടര്‍ പ്രസ്സ് ക്ലബ്ബ് കെട്ടിടത്തിന്ന് പിന്നില്‍ ചാക്കില്‍ കെട്ടിയ നിലയില്‍ ഉപേക്ഷിച്ചിട്ടുണ്ട്. പ്രസ്സ് ക്ലബിന് പിന്നിലെ സപ്‌ളേയ്‌ക്കോയില്‍ നിന്ന് ഇരുമ്പ് ഡെസ്‌ക്കും, ചാക്കുകളും മോഷണം പോയി. പ്രദേശത്തെ ഫുട്പാത്ത് കടകളിലും മോഷണം നടന്നു. കച്ചവടക്കാര്‍ ഉപയോഗിക്കുന്ന വലിയ കുട, ആക്രി സാധനങ്ങള്‍ എന്നിവയും മോഷ്ടിച്ചു. പ്രസ്സ് ക്ലബ് ഭാരവാഹികളുടെ പരാതിയെ തുടര്‍ന്ന് നോര്‍ത്ത് പോലീസ് സ്ഥലത്തെത്തി അന്വേഷണമാരംഭിച്ചു.