താനെയില്‍ പഞ്ചനക്ഷത്ര ഹോട്ടലുകളില്‍ മാത്രം തട്ടിപ്പ് നടത്തുന്ന വൃദ്ധന്‍ പിടിയില്‍

താനെ : രാജ്യത്തെ പഞ്ചനക്ഷത്ര ഹോട്ടലുകളില്‍ മാത്രം തട്ടിപ്പ് നടത്തുന്ന വൃദ്ധന്‍ പിടിയില്‍. നിരവധി പഞ്ചനക്ഷത്ര ഹോട്ടലുകളില്‍ ചെന്ന് വ്യവസായ പ്രമുഖന്‍ ചമഞ്ഞ് താമസിച്ച്, അവിടെ നിന്ന് വിലകൂടിയ വിദേശ മദ്യവും, സിഗരറ്റും മറ്റും ഓര്‍ഡര്‍ ചെയ്ത്, ഒടുവില്‍ പണം നല്‍കാതെ അവിടെ നിന്ന് കടന്നു കളഞ്ഞുകളയുകയായിരുന്നു ഇയാള്‍. ഇയാളെ കഴിഞ്ഞ ദിവസം മഹാരാഷ്ട്രയിലെ താനെ കോടതി കുറ്റക്കാരനെന്നു കണ്ടെത്തി. അറുപത്തിമൂന്ന് വയസ് പ്രായമുള്ള ഇയാള്‍ക്കെതിരെ ഡിസംബര്‍ 14 -നാണ് കേസ് രജിസ്റ്റര്‍ ചെയ്യപ്പെടുന്നത്.

അന്വേഷണം ഏറ്റെടുത്ത മുംബൈ പൊലീസിന്റെ സൈബര്‍ ഇന്റലിജന്‍സ് വിഭാഗം ഒരു ദിവസം കൊണ്ടുതന്നെ താനെ ഗോഡ്ബന്ദര്‍ റോഡിലുള്ള രഹസ്യ സങ്കേതത്തില്‍ നിന്ന് ഇയാളെ പിടികൂടുകയും ചെയ്തു. ഇയാള്‍ക്കെതിരെ 187 ലധികം വഞ്ചനാകേസുകള്‍ നിലവിലുണ്ട്. ദശാബ്ദങ്ങളായി, ഒരിക്കല്‍ പോലും പിടിക്കപ്പെടാതെ ഇതേ രീതിയില്‍ തട്ടിപ്പുനടത്തിക്കൊണ്ടിരുന്ന വിന്‍സന്റിന്, മഹാരാഷ്ട്രയ്ക്കു പുറമെ, കര്‍ണാടക, ആന്ധ്രപ്രദേശ്, തെലങ്കാന, കേരളം, തമിഴ്‌നാട്, പശ്ചിമ ബംഗാള്‍ തുടങ്ങിയ സംസ്ഥാനങ്ങളിലെയും നിരവധി പഞ്ചനക്ഷത്ര ഹോട്ടലുകളെ പറ്റിച്ചു കടന്നു കളഞ്ഞിട്ടുണ്ട്.