വടി കൊടുത്ത് അടി വാങ്ങി സ്മിത മേനോന്‍

ബിജെപിയുടെ മഹിളാ മോര്‍ച്ച നേതാവിന്റെ പൊള്ളയായ അവകാശവാദമാണ് ഇപ്പോള്‍ സോഷ്യല്‍ മീഡിയയില്‍ ചര്‍ച്ചയാകുന്നത്. 19 വയസുള്ള സ്ഥാനാര്‍ഥികള്‍ വരെ ഈ തെരഞ്ഞെടുപ്പില്‍ ബിജെപിക്കായി മത്സരിച്ചിട്ടുണ്ടെന്ന സ്മിത മേനോന്റെ പ്രസ്താവനയാണ് ബിജെപിക്ക് അടിയായത്. 21കാരിയായ ആര്യ രാജേന്ദ്രന്‍ തിരുവനന്തപുരം മേയറായതുമായി ബന്ധപ്പെട്ട ചര്‍ച്ചയില്‍, ചെറുപ്പക്കാരെ ബിജെപി സ്ഥാനാര്‍ഥിയാക്കിയിട്ടുണ്ട് എന്ന് കാണിക്കാനായി മഹിള മോര്‍ച്ച നേതാവ് സ്മിത മേനോന്‍ സ്ഥാനാര്‍ഥിയുടെ പ്രായം കുറച്ചത്.
ബിജെപിയെ സംബന്ധിച്ച് പൊളിറ്റിക്കലായി യുവാക്കള്‍ മുന്നോട്ടുവരുന്നില്ല എന്നു പറഞ്ഞത് പൂര്‍ണ്ണമായും തെറ്റാണ്. ഞങ്ങളുടെ പാര്‍ട്ടിയില്‍ ഇക്കുറി മത്സരിച്ചവരില്‍ 19 വയസുള്ള കുട്ടികള്‍ വരെയുണ്ടായിരുന്നു, എന്നാണ് സ്മിതാ മേനോന്റെ പറഞ്ഞത് .യഥാര്‍ഥത്തില്‍, 19 വയസുള്ള ആരും തെരഞ്ഞെടുപ്പില്‍ മത്സരിച്ചിട്ടില്ല. മത്സരിക്കാന്‍ സാധിക്കുകയുമില്ല. കാരണം, മത്സരിക്കാനുള്ള കുറഞ്ഞ പ്രായം 21 വയസാണ്. ഏതായാലും സ്മിത മേനോന്റെ പ്രസ്താവന സോഷ്യല്‍ മീഡിയ ട്രോളുകള്‍ക്ക് വഴി ഒരുക്കിയിരിക്കുകയാണ്.