ബിജെപി നേതാവിനെ ആര്‍എസ്എസ് ആക്രമിച്ചു

എസ്സി മോര്‍ച്ച നിയോജക മണ്ഡലം പ്രസിഡണ്ടും ബിജെപി പ്രവര്‍ത്തകനുമായ കടക്കരപ്പള്ളി പോത്തനാജ്ഞലിക്കല്‍ സുഖരാജിനെ ആക്രമിച്ച സംഭവത്തിന് പിന്നില്‍ ആര്‍എസ്എസ് പ്രവര്‍ത്തകരെന്ന് പരാതി. വീട്ടില്‍ കയറി ആക്രമിച്ചതും വീട്ടുപകരണങ്ങള്‍ തകര്‍ത്തതും ആര്‍എസ്എസ് പ്രവര്‍ത്തകരാണെന്ന് സുഖരാജ് പരാതി നല്‍കി.സംഭവത്തില്‍ സുഖരാജിനും ഭാര്യ ശ്രീജക്കും അമ്മ രാധാമണിക്കും പരിക്കേറ്റിരുന്നു.
തദ്ദേശ തെരഞ്ഞെടുപ്പിനിടെ ബിജെപിയില്‍ സംഘടനാ വിരുദ്ധ പ്രവര്‍ത്തനങ്ങള്‍ നടത്തിയെന്നുകാട്ടി സുഖരാജിനെ പ്രവര്‍ത്തനങ്ങളില്‍ നിന്നും മാറ്റി നിര്‍ത്തിയിരുന്നു. എന്നാല്‍ താന്‍ ഇപ്പോഴും സംഘടനാ ഭാരവാഹിത്വത്തില്‍ തന്നെയുണ്ടെന്നും ദളിത് വിഭാഗത്തെ പാര്‍ട്ടിയില്‍ നിന്നും പുറത്താക്കാനുള്ള ബോധപൂര്‍വ്വമായ ശ്രമമാണ് തനിക്കെതിരെ നടന്ന ആക്രമണമെന്നുമായിരുന്നു സുഖരാജിന്റെ പ്രതികരണം.