കോണ്‍ഗ്രസ് അവലോകന യോഗത്തില്‍ പൊരിഞ്ഞ അടി

കിളിമാനൂര്‍:കോണ്‍ഗ്രസ് അവലോകന യോഗത്തില്‍ പൊരിഞ്ഞ അടി നടന്നു. കോണ്‍ഗ്രസിന് വന്‍ തോല്‍വി ഏറ്റുവാങ്ങിയ പഴയകുന്നുമ്മേല്‍ പഞ്ചായത്തിലെ തോല്‍വിയുടെ കാരണം പരിശോധിക്കാന്‍ ചേര്‍ന്ന യോഗത്തിലാണ് കൂട്ടത്തല്ലില്‍ കലാശിച്ചത്. ശനിയാഴ്ച വൈകിട്ട് നാലിന് അടയമണ്‍ യുപിഎസ് ഓഡിറ്റോറിയത്തിലായിരുന്നു യോഗം.

ഡിസിസി നേതാക്കളായ ആനാട് ജയന്‍, ഷിഹാബുദ്ദീന്‍, മണ്ഡലം പ്രസിഡന്റുമാരായ അടയമണ്‍ മുരളീധരന്‍, നളിനാക്ഷന്‍ എന്നിവര്‍ പങ്കെടുത്തു. പഴയകുന്നുമ്മേലില്‍ കോണ്‍ഗ്രസിന് ഉണ്ടായ വന്‍ തോല്‍വിയുടെ പശ്ചാത്തലത്തില്‍ ഐ ഗ്രൂപ്പുകാരായ രണ്ട് മണ്ഡലം പ്രസിഡന്റുമാരെയും മാറ്റിയാലെ ചര്‍ച്ചയുള്ളൂവെന്ന് പ്രവര്‍ത്തകര്‍ നിലപാടെടുത്തു. എന്നാല്‍ പ്രവര്‍ത്തകരെ ആനാട് ജയനും നേതാക്കളും ചേര്‍ന്ന് വിരട്ടിയൊതുക്കാന്‍ ശ്രമിക്കവെ അണികള്‍ വേദിയിലേക്ക് ചെരിപ്പ് വലിച്ചെറിയുകയും അസഭ്യവര്‍ഷം നടത്തുകയും തുടര്‍ന്ന് കൂട്ട അടിയില്‍ കലാശിക്കുകയുമായിരുന്നു. രംഗം പന്തിയല്ലെന്ന് കണ്ടതോടെ ഡിസിസി അം?ഗം പ്രാണരക്ഷാര്‍ഥം യോഗസ്ഥലത്തുനിന്ന് സ്ഥലം കാലിയാക്കി, കാറില്‍ കയറി രക്ഷപ്പെട്ടു.