എന്‍ഡിഎയില്‍ ഐക്യമില്ലെന്ന് ബിഡിജെഎസ്

എന്‍ഡിഎയില്‍ ഐക്യമില്ലെന്ന് ബിഡിജെഎസ്. മുന്നണിയിലെ ഐക്യമില്ലായ്മയാണ് തദ്ദേശ തെരഞ്ഞെടുപ്പിലെ മോശം പ്രകടനത്തിന് കാരണമെന്നാണ് ബിഡിജെഎസ് വിമര്‍ശനം. അതൃപ്തി തുഷാര്‍ വെള്ളാപ്പള്ളി ബിജെപി കേന്ദ്ര നേതൃത്വത്തെ അറിയിച്ചു. ശക്തി കേന്ദ്രങ്ങളില്‍ രണ്ടാം സ്ഥാനത്ത് എത്തിയെങ്കിലും മികച്ച പ്രകടനം കാഴ്ച വെയ്ക്കാന്‍ കഴിഞ്ഞില്ലെന്നാണ് ബിഡിജെഎസ് വിലയിരുത്തല്‍. രണ്ട് ദിവസത്തിനകം ബിജെപി ദേശീയ അധ്യക്ഷന്‍ ജെ പി നഡ്ഡയുമായി കൂടികാഴ്ച നടത്തും. ബിജെപി ദേശീയ ജനറല്‍ സെക്രട്ടറി ബി എല്‍ സന്തോഷ് ജനുവരി 15ന് കേരളത്തിലെത്തുമ്പോള്‍ സീറ്റുകളുടെ കാര്യത്തില്‍ വീണ്ടും ചര്‍ച്ച നടക്കും. കൂടുതല്‍ സീറ്റുകള്‍ വേണമെന്നാണ് ബിഡിജെഎസ് ആവശ്യം. ജനുവരി അവസാനത്തോടെ നിയമസഭ തെരഞ്ഞെടുപ്പിനായുള്ള പ്രചരണം ആരംഭിക്കാനാണ് ബിജെപി കേന്ദ്ര നേതൃത്വം സംസ്ഥാന നേതൃത്വത്തിന് നല്‍കിയിരിക്കുന്ന നിര്‍ദ്ദേശം. സ്‌പൈസസ് ബോര്‍ഡ് ചെയര്‍മാന്‍ സ്ഥാനത്തേയ്ക്ക് തുഷാര്‍ രണ്ട് പേരുകള്‍ നിര്‍ദ്ദേശിച്ചിട്ടുണ്ട്. എ ജി തങ്കപ്പന്‍ , സംഗീത വിശ്വനാഥന്‍ എന്നിവരുടെ പേരുകളാണ് നിര്‍ദ്ദേശിച്ചിരിക്കുന്നത്.