പ്രതിപക്ഷനേതാവ് കൊവിഡ് വാഹകന്‍ ആകുകയാണോ? കേരളം ചോദിക്കുന്നു

പ്രതിപക്ഷ നേതാവ് രമേശ് ചെന്നിത്തല കൊവിഡ് മാനദണ്ഡങ്ങള്‍ ലംഘിച്ചെന്ന ആരോപണം ശക്തമാകുന്നു. കൊവിഡ് നെഗറ്റീവായ വ്യക്തി ഏഴു ദിവസം കൂടി ക്വാറന്റൈനില്‍ തുടരണമെന്ന ആരോഗ്യവകുപ്പ് നിര്‍ദേശമാണ് ചെന്നിത്തല ലംഘിച്ചത്. ഡിസംബര്‍ 23നാണ് ചെന്നിത്തല കൊവിഡ് പോസ്റ്റീവായത്. അതിന് ദിവസങ്ങള്‍ക്ക് മുന്‍പ് അദ്ദേഹത്തിന്റെ ഭാര്യയ്ക്കും മകനും രോഗം സ്ഥിരീകരിച്ചിരുന്നു. രോഗലക്ഷങ്ങളൊന്നും അദ്ദേഹത്തിനുണ്ടായിരുന്നില്ല. പോസ്റ്റീവായതോടെ അദ്ദേഹത്തെ ആശുപത്രിയിലേക്ക് മാറ്റുകയും ചെയ്തു. തുടര്‍ന്ന് 28ന് നടത്തിയ ടെസ്റ്റില്‍ റിസള്‍റ്റ് നെഗറ്റീവ്. എങ്കില്‍ ഏഴു ദിവസം കൂടി ക്വാറന്റൈനില്‍ തുടരണമെന്നാണ് ആരോഗ്യവകുപ്പ് നിര്‍ദേശം. എന്നാല്‍ അത് പാലിക്കാതെ ചെന്നിത്തല പൊതുപരിപാടികളുമായി ആള്‍ക്കൂട്ടത്തിലേക്ക് ഇറങ്ങുകയായിരുന്നു. ജനുവരി ഒന്നിന് ശിവഗിരി സന്ദര്‍ശനം, പിന്നാലെ ഹരിപ്പാട്, പത്രസമ്മേളനങ്ങള്‍.
സംസ്ഥാനത്ത് കൊവിഡ് വ്യാപനം തുടരുന്ന സാഹചര്യത്തിലാണ് രമേശ് ചെന്നിത്തലയെ പോലെയുള്ള ഒരു ജനപ്രതിനിധി പ്രോട്ടോക്കോളുകള്‍ ലംഘിച്ച് പൊതുയിടത്തിലേക്ക് ഇറങ്ങിയത്. ഇതിനെതിരെ രൂക്ഷ വിമര്‍ശനമാണ് വിവിധയിടങ്ങളില്‍ നിന്ന് ഉയരുന്നത്. ഇതിനിടെ തദ്ദേശ തെരഞ്ഞെടുപ്പിനോടനുബന്ധിച്ച് രമേശ് മിക്ക ജില്ലകളിലും വാര്‍ത്താ സമ്മേളനങ്ങള്‍ നടത്തുകയും അതിന് പിന്നാലെ നിരവധി ജില്ലകളിലെ മാധ്യമ പ്രവര്‍ത്തകര്‍ക്ക് കൂട്ടത്തോടെ കൊവിഡ് പിടിപെടുകയും ചെയ്തതും വലിയ ആരോപണങ്ങള്‍ക്ക് വഴി വച്ചിരുന്നു