24 മണിക്കൂറിനിടെ ഏറ്റവും കൂടുതല്‍ രോഗം സ്ഥിരീകരിച്ചത് കേരളത്തില്‍

തിരുവനന്തപുരം: രാജ്യത്ത് കോവിഡ് രോഗികളുടെ കണക്ക് പരിശോധിച്ചാല്‍ കഴിഞ്ഞ 24 മണിക്കൂറിനിടെ ഏറ്റവും കൂടുതല്‍ രോഗം സ്ഥിരീകരിച്ചത് കേരളത്തിലാണ്. ഇന്നലെ രാജ്യത്ത് ആകെ 20,346 പേര്‍ക്ക് രോഗം സ്ഥിരീകരിച്ചപ്പോള്‍ കേരളത്തില്‍ മാത്രം 6394 പേര്‍ക്കാണ് രോഗം സ്ഥിരീകരിച്ചത്. രാജ്യത്ത് ആകെ കോവിഡ് ബാധിതരുടെ എണ്ണം 1,03,95,278 ആയി.

24 മണിക്കൂറിനിടെ 20,346 പേര്‍ക്ക് കോവിഡ് ബാധിച്ചു. 2,28,083 പേരാണ് ഇനി ചികിത്സയിലുള്ളത്. ഇതുവരെ 1,00,16,859 പേര്‍ രോഗമുക്തരായി. 24 മണിക്കൂറിനിടെ 19,587 പേരാണ് രോഗമുക്തരായത്. 222 മരണം രേഖപ്പെടുത്തി. 1,50,336 ഇതുവരെ മരിച്ചു. 24 മണിക്കൂറിനിടെ ഏറ്റവും കൂടുതല്‍ രോഗം സ്ഥിരീകരിച്ചത് കേരളത്തിലാണ്. ഇന്നലെ 6,394 പേര്‍ക്കാണ് രോഗം സ്ഥിരീകരിച്ചത്.

അതേസമയം മഹാരാഷ്ട്രയില്‍ ഇതുവരെ 1,954,553 പേര്‍ക്കാണ് രോഗം ബാധിച്ചത്. കര്‍ണാടകയില്‍ 924,137ഉം ആന്ധ്രാപ്രദേശില്‍ 883,876ഉം തമിഴ്‌നാട്ടില്‍ 823,181 ഉം കേരളത്തില്‍ 790,882 പേര്‍ക്കും ഇതുവരെ രോഗം ബാധിച്ചു.