ഹരിപ്പാട് ഉറപ്പിക്കാന്‍ രമേശ് ചെന്നിത്തല; ‘ആദ്യം വോട്ട്’

ഹരിപ്പാട് വോട്ടുറപ്പിക്കാന്‍ പ്രതിപക്ഷ നേതാവ് രമേശ് ചെന്നിത്തലയും കുടുംബവും. ഇതുവരെ രമേശ് ചെന്നിത്തലയുടേയും കുടുംബത്തിന്റേയും വോട്ട് ചെന്നിത്തലയിലായിരുന്നു. എന്നാല്‍ ഹരിപ്പാട് നഗരസഭയിലെ 28 ാം വാര്‍ഡില്‍ വോ്ട്ടര്‍പട്ടികയില്‍ പേര് ചേര്‍ക്കാന്‍ അപേക്ഷിച്ചിട്ടുണ്ട്.
രമേശ് ചെന്നിത്തല ഹരിപ്പാട് മത്സരിക്കില്ലെന്നും മറിച്ച് ചങ്ങനേശേരി, ചെങ്ങന്നൂര്‍, വട്ടിയൂര്‍ക്കാവ് മണ്ഡലങ്ങളില്‍ ഒന്നില്‍ മത്സരിക്കുമെന്നായിരുന്നു അഭ്യൂഹം. ഇത്തരമൊരു പ്രചരണം വ്യാപകമായതോടെ ഹരിപ്പാട് എനിക്ക് അമ്മയെ പോലെയാണെന്നും ഇവിടം വിട്ട് എങ്ങോട്ട് പോകില്ലെന്ന് പ്രഖ്യാപിക്കുന്നത്. ഇതിനെ കൂടുതല്‍ ഉറപ്പിക്കുന്നതാണ് വോട്ട് ചേര്‍ക്കല്‍ നടപടി.
കഴിഞ്ഞ തവണ ജില്ലയില്‍ യുഡിഎഫിന് ഹരിപ്പാട് മാത്രമാണ് ലഭിച്ചത്. നേതാവ് മണ്ഡലം മാറിയാല്‍ ഇത് അദ്ദേഹത്തെ മാത്രമല്ല, മുന്നണികളേയും ബാധിക്കുമെന്നാണ് വിലയിരുത്തല്‍.അതിനിടെ ഹരിപ്പാട്, അരൂര്‍ മണ്ഡലങ്ങള്‍ വെച്ചുമാറാന്‍ സിപി ഐഎമ്മിലും സിപിഐയും ചര്‍ച്ചകള്‍ ആരംഭിച്ചു. ഇത് സംബന്ധിച്ച് പാര്‍ട്ടി തലത്തിലോ മുന്നി തലത്തിലോ ചര്‍ച്ച തുടങ്ങിയിട്ടില്ലെന്നും നേതാക്കള്‍ പരസ്പരം സംസാരിച്ചിട്ടുണ്ടെന്നാണ് റിപ്പോര്‍ട്ടുകള്‍. സിപിഐഎമ്മാണ് ഇത്തരമൊരു നീക്കത്തിന് മുന്‍കൈ എടുത്തത്.
നിലവില്‍ ഹരിപ്പാട്ട് സിപിഐയും അരൂരില്‍ സിപിഐഎമ്മുമാണ് മത്സരിക്കുന്നത്. എംഎം ആരിഫ് രണ്ട് തവണ വിജയിച്ച ഇവിടെ ഇക്കഴിഞ്ഞ ഉപതെരഞ്ഞെടുപ്പോടെ പാര്‍ട്ടിക്ക് നഷ്ടമാവുകയായിരുന്നു. ഷാനിമോള്‍ ഉസ്മാന്‍ 2079 വോട്ടിനാണ് ഇവിടെ വിജയിച്ചത്.