നിക്ഷ്പക്ഷന്‍ കെമാല്‍പാഷ, കളമശേരി ലക്ഷ്യമിടുന്നു

കേരളത്തില്‍ കുറച്ചു കാലമായി നിക്ഷപക്ഷ നിരീക്ഷകനായി സംസ്ഥാന സര്‍ക്കാരിനെയും, മുഖ്യമന്ത്രിയെയും വിമര്‍ശിച്ച് കൈയടി നേടിയിരുന്ന മുന്‍ ഹൈക്കോടതി ജഡ്ജി കെമാല്‍ പാഷ ഒടുവില്‍ തന്റെ രാഷ്ട്രീയം വെളിപ്പെടുത്തി. താന്‍ യു ഡി എഫു കാരനാണന്നാണ് മുന്‍ ജഡ്ജിയുടെ പ്രഖ്യാപനം. യുഡിഎഫ് ക്ഷണിച്ചാല്‍ വരുന്ന നിയമസഭാ തെരഞ്ഞെടുപ്പില്‍ സ്ഥാനാര്‍ഥിയാകുന്നത് പരിഗണിക്കുമെന്ന് മുന്‍ ഹൈക്കോടതി ജഡ്ജി ജസ്റ്റീസ് കെമാല്‍ പാഷ വ്യക്തമാക്കിയിരിക്കുന്നത് . എറണാകുളം നഗരപരിസരത്തെ ഏതെങ്കിലും മണ്ഡലത്തില്‍ മല്‍സരിക്കാനാണ് താല്‍പര്യമെന്നും അദ്ദേഹം അറിയിച്ചു. ഏഷ്യാനെറ്റ് ന്യൂസിലൂടെയാണ് അദ്ദേഹം തന്റെ ആഗ്രത്തം പറയുന്നത്. പറഞ്ഞു. എല്‍ഡിഎഫിനോടും ബിജെപിയോടും തനിക്കും താല്‍പര്യമില്ല. എംഎല്‍എ ആയാല്‍ തനിക്ക് ശമ്പളം വേണ്ടന്നും അദ്ദേഹം പറഞ്ഞു.
സ്ഥാനത്തുനിന്ന് വിരമിച്ച ശേഷം നിരവധി രാഷ്ട്രീയ പ്രസ്താവനകളിലൂടെ മാധ്യമശ്രദ്ധ നേടിയ ജഡ്ജിയാണ് കെമാല്‍ പാഷ. കഴിഞ്ഞ ദിവസം വൈറ്റില മേല്‍പ്പാല ഉദ്ഘാടനവുമായി ബന്ധപ്പെട്ട് നടത്തിയ പരാമര്‍ശമാണ് ഏറ്റവും ഒടുവില്‍ വിവാദമായത്. വിവാദമായിരുന്നു. ആരുടെയും തറവാട്ടില്‍ തേങ്ങാവെട്ടിയല്ല പാലം ഉണ്ടാക്കിയതെന്നും ജനങ്ങളുടെ നികുതിപ്പണം കൊണ്ടാണെന്നുമായിരുന്നു കെമാല്‍ പാഷയുടെ പ്രസ്താവന.ലീഗിന്റെ സീറ്റിലാണ് കമാല്‍ പാഷയുടെ നോട്ടമെന്നാണ് കൊച്ചിയിലെ യു ഡി എഫ് നേതാക്കള്‍ പറയുന്നത്. യു ഡി എഫ് സ്്വതന്ത്രനായി ഇദേഹം രംഗത്തു വന്നാല്‍ എസ് ഡി പി ഐ അടക്കമുള്ള സംഘടനകളുടെ പിന്‍തുണയും ലഭിക്കും. നിലവില്‍ കൊച്ചിയില്‍ ഗ്രൂപ്പു വഴക്കില്‍ ഉലഞ്ഞു നില്‍ക്കുന്ന ലീഗിന് പുറത്തു നിന്ന് ലഭിക്കാവുന്ന മികച്ച സ്ഥാനാര്‍ത്ഥിയാണ് കമാല്‍ പാഷ. ഇബ്രാഹിം കുഞ്ഞിന് പകരം വയ്ക്കാന്‍ ലീഗിന് കളമശേരിയില്‍ മറ്റൊരു നേതാവ് ഇപ്പോഴില്ല. ഇതി ലീഗിന്റെ ചിഹ്നത്തില്‍ മത്സരിക്കാന്‍ തയാറായാല്‍ അത് പാര്‍ട്ടിക്ക് നേട്ടമായിരിക്കുമെന്നും കുഞ്ഞാലിക്കുട്ടിയെ അനുകൂലിക്കുന്ന വിഭാഗം കണക്കുകൂട്ടുന്നു.അഴിമതി കേസില്‍ കുടുങ്ങിയ വ്യക്തിക്ക് പകരം കേരളം അംഗീകരിക്കുന്ന ഒരാളെ രംഗത്ത് ഇറക്കി എന്ന ഇമേജും ലഭിക്കും.