ഗോകുലം ഗാലേറിയ കോഴിക്കോട് ഒരുങ്ങി

മലബാറിലെ ഏറ്റവും വലിയ ഷോപ്പിംഗ് മാള്‍

മലബാറിലെ ഏറ്റവും വലിയ ഷോപ്പിംഗ് മാളായ ഗോകുലം ഗാലേറിയ ഉദ്ഘടനത്തിനു ഒരുങ്ങുന്നു. കോഴിക്കോട് നഗര ഹൃദയത്തില്‍ മാവൂര്‍ റോഡിലാണ് അത്യാധുനിക സംവിധാനവും ഏറ്റവും കൂടുതല്‍ പാര്‍ക്കിങ്ങുമുള്ള ഗോകുലം ഗാലേറിയ ഒരുക്കിയിരിക്കുന്നത്. 14നു സോഫ്റ്റ് ലോഞ്ച് നടക്കുന്ന പദ്ധതിയുടെ അവസാന മിനുക്കുപണികള്‍ നടക്കുകയാണിപ്പോള്‍. മലബാറിലെ ഏറ്റവും വലിയ ഷോപ്പിംഗ് മാളാണ് ഗോകുലം ഗോപാലന്റെ നേതൃത്വത്തില്‍ സ്വന്തം നാടായ കോഴിക്കോട് ഒരുക്കിയിരിക്കുന്നത്. വടക്കന്‍ കേരളത്തിലെ ജനങ്ങള്‍ക്ക് മികച്ച ഷോപ്പിംഗ് അനുഭവം ഒരുക്കുകയാണ് ലക്ഷ്യമെന്ന് ഗോകുലം ഗ്രൂപ്പ് വൈസ് ചെയര്‍മാന്‍ ബൈജു ഗോപാലന്‍ പറഞ്ഞു.അത്യാധുനിക സംവിധാനങ്ങള്‍ എല്ലാമുണ്ട്. ദേശീയ അന്തര്‍ ദേശീയ ബ്രാന്റുകള്‍ ഒരു കുടക്കീഴ്ലും. മാത്രമല്ല, കോഴിക്കോട് നഗര മധ്യത്തില്‍ മികച്ച പാര്‍ക്കിംഗ് സൗകര്യവും. കൊവിഡ് കാലത്തും നാടിന്റെ വികസനം ഉറപ്പാക്കുന്ന പദ്ധതിയുടെ സോഫ്റ്റ് ലോഞ്ച് കോഴിക്കോട് മേയര്‍ ഡോ, ബീന ഫിലിപ്പ് നിര്‍വഹിക്കും. ഫൈസ് സ്റ്റാര്‍ ഹോട്ടലോടുകൂടിയ സംരംഭത്തിന്റെ ഉദ്ഘാടനം ഏപ്രിലോടുകൂടിയുണ്ടാവും.