പീതാംബരൻ മാസ്റ്ററും കൈവിടുന്നു അഭയസ്ഥാനം തേടി കാപ്പൻ

എൻ സി പി ദേശീയ നേതൃത്വത്തിന്റെ നിലപാട അനുകൂലമല്ലന്ന് തിരിച്ചറിഞ്ഞതോടെ സംസ്ഥാന എൻ സി പി യിൽ വീണ്ടും മലക്കം മറിച്ചിൽ. മാണി സി കാപ്പനൊപ്പം നിന്നിരുന്ന സംസ്ഥാന പ്രസിഡന്റ് ടി പി പീതാംബരൻ മാസ്റ്റർ മുന്നണി വിടുന്ന നീക്കം വേണ്ടന്ന് നിലപാടിലേക്ക് മാറുന്നു.
എൻ സി പി ദേശീയ നേതൃത്വം സി പി എം മുതിർന്ന നേതാക്കളുമായി നടത്തിയ ചർച്ചയെ തുടർന്നാണ് പവാർ കേരളത്തിലേക്കുള്ള വരവ് അടക്കം മാറ്റിയത്. മത്‌സരിക്കാൻ ലഭിക്കുന്ന നാലു സീറ്റുകളും വിജയസാധ്യത നോക്കി തിരഞ്ഞെടുക്കുക , എണ്ണം കുറയരുത് എന്ന നിർദേശങ്ങൾ മാത്രമാണ് പവാർ പങ്കുവയ്ക്കുന്നത്.

23-ാം തീയതിയിലെ കേരള സന്ദർശനം മാറ്റിവച്ചാതായി മുബൈയിൽ നിന്ന് അറിയിച്ചെങ്കിലും പുതിയ തീയതി പറഞ്ഞിട്ടില്ല. എൻസിപിയിലെ ഭിന്നത രൂക്ഷമായ സാഹചര്യത്തിലാണ് സംസ്ഥാന നേതൃയോഗത്തിൽ പവാർ നേരിട്ടു പങ്കെടുക്കാൻ തീരുമാനിച്ചിരുന്നത്. . പുണെയിൽ കർഷക സമരവുമായി ബന്ധപ്പെട്ട പരിപാടിയിൽ പങ്കെടുക്കേണ്ടതിനാലാണ് പരിപാടി മാറ്റിയതെന്നാണ് ഔദ്യോഗിക വിശദീകരണം.
എന്നാൽ പാർട്ടിയുടെ സജീവ നേതാക്കൾ എല്ലാം തന്നെ ഇടതു പക്ഷത്ത് നിൽക്കണം എന്ന നിലപാട് സ്വീകരിക്കുമ്പോൾ കാപ്പനു വേണ്ടിമാത്രം മറിച്ചൊരു നിലപാട് വേണ്ടന്നാണ് ഇപ്പോൾ മുബൈയിലെ നേതാക്കളും പറയുന്നത്.
സംസ്ഥാന പ്രസിഡന്റിന്റെ നിലപാട് മാറ്റത്തിന് പിന്നിൽ തോമസ് ചാണ്ടിയുടെ സഹോുരൻ അടക്കമുള്ളവരാണ്. അവരെല്ലാം പവാറുമായി ബന്ധപ്പെട്ടവരെ മുന്നണി വിടുന്നതിലുള്ള തങ്ങളുടെ എതിർപ്പ് അറിയിച്ചിട്ടുണ്ട്. അതുമാത്രമല്ല കഴിഞ്ഞ ഉിവസങ്ങളിൽ പുറത്തുവന്ന സർവേ റിപ്പോർട്ടുകളിൽ ഇടതുപക്ഷത്തിന് തുടർ ഭരണസാധ്യത എന്ന വിലയിരുത്തലുകൾ ന്നതും പവാറിന് കാപ്പനെ കൈവിടാൻ കാരണമായി.