തരൂരിന് കേരള മുഖ്യമന്ത്രി പദവി പുതിയ മാർഗം

എ ഐ ഗ്രപ്പുകൾക്ക് തിരിച്ചടി നൽകി കോൺഗ്രസ് ഹൈക്കമാന്റ് പുതിയ നീക്കം തുടങ്ങി. പുതിയ കേരളം സൃഷ്ടിക്കാൻ ശശി തരൂർ കേരള മുഖ്യമന്ത്രി എന്ന ക്യാപയിനുമായി രംഗത്ത് ഇറങ്ങാനാണ് ആലോചന.
ഇപ്പോൾ ദേശീയ രാഷ്ട്രീയത്തിൽ വിമതപക്ഷത്ത് നിൽക്കുന്ന തരൂരിനെ അനുനയിപ്പിക്കാൻ ഇതിലൂടെ കഴിയുമെന്നാണ് വിലയിരുത്തൽ. ഇതിന്റെ ഭാഗമായി കേരളത്തിലെ നേതാക്കളെ ഞെട്ടിച്ച് മുഖ്യമന്ത്രി പിണറായി വിജയൻ നടത്തിയതുപോലെ എല്ലാ ജില്ലകളിലും പ്രധാനവ്യക്തികളും യുവാക്കളുമായി ചർച്ച നടത്താൻ തരൂരിന് ചുമതല നൽകി.

കോൺഗ്രസിന്റെ തിരഞ്ഞെടുപ്പ് തന്ത്രങ്ങൾക്ക് രൂപം നൽകാനുള്ള തിരഞ്ഞെടുപ്പ് മേൽനോട്ട സമിതിയുടെ ആദ്യ യോഗത്തിലാണ് ഹൈക്കമാന്റ് ഇത് സംബന്ധിച്ച തീരുമാനം അറിയിച്ചത്. എഐസിസി പ്രതിനിധി രാജസ്ഥാൻ മുഖ്യമന്ത്രി അശോക ഗഹ്ലോത്തിന്റെ നേതൃത്വത്തിലായിരുന്നു യോഗം. തിരഞ്ഞെടുപ്പ് പ്രകടന പത്രിക തയ്യാറാക്കാനും യുവാക്കളുമായി സംസാരിക്കാനും യോഗം ശശി തരൂരിനെ ചുമതലപ്പെടുത്തി. പ്രകടന പത്രിക തയ്യാറാക്കാൻ ശശി തരൂർ കേരള പര്യാടനം നടത്തും. നിയമസഭാ തിരഞ്ഞെടുപ്പിന് മുന്നോടിയായി ശശി തരൂർ എം.പി സംസ്ഥാന രാഷ്ട്രീയത്തിൽ സജീവമാകുന്നതിന്റെ ഭാംമാണിത്. ശശി തരൂരിന് നിർണായക ചുമതലകൾ നൽകികൊണ്ടാണ് അദ്ദേഹത്തെ സംസ്ഥാന രാഷ്ട്രീയത്തിൽ സജീവമാക്കുന്നത്.

വിജയ സാധ്യതയുള്ള സ്ഥാനാർത്ഥികളെ മാത്രമെ തിരഞ്ഞെടുപ്പിൽ നിർത്തുകയുള്ളൂവെന്ന് എഐസിസി പ്രതിനിധികൾ യോഗത്തിൽ വ്യക്തമാക്കി. ഗ്രൂപ്പ് അടക്കമുള്ള മറ്റു പരിഗണനകളൊന്നും സ്ഥാനാർത്ഥി നിർണയത്തിന് മാനദണ്ഡമാക്കില്ല. കൂടാതെ സ്ഥാനാർത്ഥികളെ നേരത്തെ പ്രഖ്യാപിക്കണമെന്നും മേൽനോട്ട സമിതി തീരുമാനമെടുത്തു.