കരുത്തുനുസരിച്ച് സീറ്റ് ചോദിച്ച മാണിഗ്രൂപ്പ്

ജോസ് കെ.മാണിയുടെ കേരള കോൺഗ്രസ് തങ്ങളുടെ കരുത്ത് മനസിലാക്കി സീറ്റ് നൽകാൻ തയാറാകണമെന്ന ആവശ്യം ഇടതു മുന്നണി നേതാക്കൾക്ക് മുന്നിൽ വച്ചു.
കേരളത്തിൽ 15 സീറ്റിൽ വരെ മത്‌സരിക്കാനുള്ള ശക്തി കേരള കേരള കോൺഗ്രസിനുണ്ടെന്നാണ് ഇടതുമുന്നണിയുടെ വിലയിരുത്തൽ . എന്നാൽ മുന്നണിയിലെ മറ്റ് ഘടക കക്ഷികളുടെ കൂടി സീറ്റുകൾ അനുസരിച്ചാവും വീതം വയ്പ്പ്.
പത്തു സീറ്റുകൾ നൽകാമെന്ന ധാരണയിലേക്ക് ഇടതുമുന്നണി എത്തിയേക്കും. ചിലപ്പോൾ ഒരു സീറ്റ് കൂടുതൽ ലഭിക്കാനും സാധ്യതുയുണ്ട്. . നാളെ ചേരാനിരിക്കുന്ന മുന്നണി യോഗത്തിന് മുൻപായി കേരള കോൺഗ്രസ് നേതാക്കൾ അനൗദ്യോഗിക ചർച്ചകൾ പൂർത്തിയാക്കി.

കോട്ടയം ജില്ലയിലെ ആകെ ഒൻപതു സീറ്റുകളിൽ നാലു സീറ്റുകൾ എന്ന ധാരണയിലെത്തുകയാണ്. പാലാ സീറ്റിന് പുറമേ കാഞ്ഞിരപ്പള്ളിയും കടുത്തുരുത്തിയും കേരള കോൺഗ്രസിന് ലഭിച്ചേക്കും. പൂഞ്ഞാറും ജോസ് കെ.മാണിക്ക് നൽകാൻ ഉഭയകക്ഷി ചർച്ചയിൽ ധാരണയായിട്ടുണ്ട്.. പൂഞ്ഞാറിൽ സെബാസ്റ്റ്യൻ കുളത്തുങ്കലും കടുത്തുരുത്തിയിൽ സ്റ്റീഫൻ ജോർജും കാഞ്ഞിരപ്പള്ളിയിൽ എൻ.ജയരാജും മത്സരിക്കുവാണ് സാധ്യത.
. റോഷി അഗസ്റ്റിന്റെ സിറ്റിങ് സീറ്റായ ഇടുക്കിക്ക് പുറമേ തൊടുപുഴയും കേരള കോൺഗ്രസിനാണ്.

പത്തനംതിട്ടയിൽ റാന്നി നൽകാൻ സാധ്യതയുണ്ട്. . ഇരിക്കൂർ സിപിഐ കേരള കോൺഗ്രസിന് വിട്ടുനൽകും. പകരം സിപിഐക്ക് പേരാവൂർ ലഭിക്കുമെന്ന് റിപ്പോർട്ടുകളുണ്ട്. . കോഴിക്കോട് ജില്ലയിൽ തിരുവമ്പാടിക്കാണ് സാധ്യത കൂടുതൽ.

യുഡിഎഫിൽ നിന്നപ്പോൾ കേരള കോൺഗ്രസ് മത്സരിച്ച തൃശൂർ ജില്ലയിലെ ഇരിങ്ങാലക്കുടയും അവർക്ക് നൽകും. ഫ്രാൻസിസ് ജോർജ് ഉൾപ്പടെ വേർപിരിഞ്ഞുപോയ ജനാധിപത്യ കേരള കോൺഗ്രസിന്റെ സീറ്റുകൾ പകുതിയായി വെട്ടികുറയ്ക്കും. സ്‌കറിയ തോമസിന്റെ കേരള കോൺഗ്രസിനും രാമചന്ദ്രൻ കടന്നപ്പള്ളിയുടെ കേരള കോൺഗ്രസിനും ഇത്തവണ സീറ്റുണ്ടാവില്ല.