മസിനഗുഡിയില്‍ 55 റിസോര്‍ട്ടുകള്‍ക്ക് എതിരെ നടപടി

ആനയെ തീവച്ചു കൊന്നവരുടെ റിസോര്‍ട്ടും പൂട്ടി

ഊട്ടിക്ക് അടുത്ത് മസന്നഗുഡിയില്‍ റിസോര്‍ട്ട് ജീവനക്കാര്‍ കാട്ടാനയെ തീവച്ചു സംഭവത്തിന് പിന്നാലെ അനധികൃത റിസോര്‍ട്ടുകള്‍ക്കെതിരെ നടപടി. 55 റിസോര്‍ട്ടുകള്‍ അടച്ചുപൂട്ടി. ഹോംസ്റ്റേയുടെ പേരില്‍ ലൈസന്‍സ് ഇല്ലാതെയാണ് റിസോര്‍ട്ടുകള്‍ പ്രവര്‍ത്തിച്ചിരുന്നത്. ആനയെ തീവച്ചു കൊന്നവരുടെ റെയമണ്ട് റിസോര്‍ട്ടും പൂട്ടി. കഴിഞ്ഞ ആഴ്ചയാണ് റെയമണ്ട് റിസോര്‍ട്ടിലേക്ക് എത്തിയ ആനയുടെ നേരെ റിസോര്‍ട്ട് ജീവനക്കാര്‍ ടയര്‍ കത്തിച്ചെറിഞ്ഞത്. മസ്തകത്തില്‍ പതിച്ച ടയറുമായി കാട്ടിലേക്കോടിയ ആനയ്ക്ക് ഗുരുതരമായി പൊള്ളലേല്‍ക്കുകയും പിന്നീട് ചെരിയുകയും ചെയ്തു. കത്തി കൊണ്ടിരിക്കുന്ന ടയറില്‍ നിന്നും തീ ആനയുടെ ചെവിയിലൂടെ മസ്തിഷ്‌കമാകെ പടര്‍ന്നുവെന്ന് വനംവകുപ്പ് ഉദ്യോഗസ്ഥര്‍ പറയുന്നു. കത്തിയെരിഞ്ഞ ടയര്‍ ദേഹത്തൊട്ടിയ നിലയില്‍ ആന മണിക്കൂറുകളോളം പ്രദേശത്തെ വനമേഖലയിലൂടെ ഓടിയെന്നും ഉദ്യോഗസ്ഥര്‍ പറയുന്നു. സംഭവത്തില്‍ മസനഗുഡിയിലെ രണ്ട് റിസോര്‍ട്ടിലെ ജീവനക്കാരെ വനംവകുപ്പ് അറസ്റ്റ് ചെയ്തിരുന്നു. മേഖലയില്‍ കാട്ടാനകളും വന്യജീവികളും ജനവാസമേഖലയിലേക്ക് ഇറങ്ങുന്നത് പതിവാണ്.