ഇത് ലാസ്റ്റ് ബസ് സീറ്റ് കുറയരുത് നിലനിൽപ്പാണ്

നിയമസഭാ തിരഞ്ഞെടുപ്പിൽ ഭരണത്തിൽ തിരിച്ചു വന്നില്ലങ്കിലും കോൺഗ്രസ് ഇപ്പോഴുള്ള സീറ്റുകൾ നഷ്ടപ്പെടുത്തെരുതെന്ന് ഹൈക്കമാന്റിന്റെ കർശന നിർദേശം.
കേന്ദ്രനേതൃത്വത്തിന് വേണ്ടി കേരളത്തിലെ എല്ലാ ജില്ലകളിലും സർവേ നടത്തിയ ഏജൻസികളുടെയും എ ഐ സി സി നേതാക്കളുടെ റിപ്പോർട്ടിന്റെയും അടിസ്ഥാനത്തിലാണ് ഇത്തരം ഒരു നീക്കത്തിലേക്ക് കോൺഗ്രസ് മാറിയിരിക്കുന്നത്.
ഘടക കക്ഷികളെ ഒപ്പം നിർത്തി പരമാവധി സീറ്റ് വർദ്ധപ്പിക്കുക, നേതാക്കൾ പരസ്പരം വിരുദ്ധ അഭിപ്രായങ്ങൾ പറഞ്ഞ് തർക്കം ഉണ്ടാക്കരുത് തുടങ്ങിയ കർശന നിർദേശമാണ് നൽകിയിരിക്കുന്നത്.
കെ സുധാകരന്റെ പ്രശ്‌നത്തിൽ വളരെ പെട്ടന്ന് ഷാനിമോൾ മലക്കം മറിഞ്ഞത് രാഹുൽ ക്യാമ്പിന്റെ നിർദേശത്തെ തുടർന്നാണ്. കേരളത്തിനായി നിയോഗിക്കപ്പെട്ട മൂന്ന് എഐസിസി സെക്രട്ടറിമാർ കോൺഗ്രസ് മണ്ഡലം കമ്മിറ്റി യോഗങ്ങളിലടക്കം പങ്കെടുത്തു വരുന്നു. താരിഖ് അൻവർ ഏതാണ്ടു സ്ഥിരമായി കേരളത്തിൽ തന്നെയുണ്ട്. ഗ്രൂപ്പ് താൽപര്യങ്ങൾ മാറ്റിവച്ച്, വിജയസാധ്യത മാനദണ്ഡമാക്കി പുതുമുഖങ്ങൾക്കും സ്ത്രീകൾക്കും പ്രാതിനിധ്യമുള്ള സ്ഥാനാർഥിപ്പട്ടിക വരണമെന്ന ഹൈക്കമാൻഡ് നിർദേശം ഇവർ പ്രാവർത്തികമാകുമോ എന്നതാണ് ഇനി അറിയേണ്ടത്.
ഉമ്മൻ ചാണ്ടിയും രമേശ് ചെന്നിത്തലയും വഴങ്ങിയാലും ചില ജില്ലകളിലെ നേതാക്കൾ അത് അംഗീകരിക്കുമോ എന്ന് കാര്യത്തിൽ സംശയമുണ്ട്.
. നിയമസഭാ തിരഞ്ഞെടുപ്പു കഴിയുംവരെ എഐസിസിയുടെ നിയന്ത്രണത്തിലാണ് കേരളത്തിലെ പാർട്ടി. കെ സി വേണുഗോപാൽ, കേരളത്തിലെ നേതാക്കൾ ഒന്നടങ്കം തഴഞ്ഞ കെ വി തോമസ്, പിജെ കുര്യൻ എന്നിവരാണ് ഡൽഹി റിപ്പോർട്ടിങ്ങ് നടത്തുന്നത്.

ഉമ്മൻചാണ്ടിയും ചെന്നിത്തലയും മുഖങ്ങളാക്കി നിർത്തി പരമാവധി സീറ്റിൽ കൂടുതൽ യുവാക്കളെ എത്തിച്ച് ലോകസഭാ തിരഞ്ഞെടുപ്പിന് മുൻപ് കേരളത്തിലെ പാർട്ടിയെ സജീവമാക്കുകയാണ് ഇവരുടെ ലക്ഷ്യം. തൽക്കാലം കേരള ഭരണം പിടിക്കാൻപഴയമുഖങ്ങൾ വേണമെന്ന വാദം അതിനാൽ കേന്ദ്രനേതൃത്വം കാര്യമാക്കുന്നില്ല.