മുകന്ദേട്ടന്റെ പാളയം മാറുന്നുവോ

: മുതിർന്ന ബിജെപി നേതാവ് പിപി മുകുന്ദന് ഇടതു പാളയത്തിൽ എത്താൻ മോഹമെന്ന് റിപ്പോർട്ടുകൾ.
മുകുന്ദനെ ഇടതുപക്ഷത്ത് എത്തിക്കാനുള്ള സാധ്യതകൾ ചിലർ മുഖേന വാർത്തകളിലൂടെ പുറത്തുവിട്ട് തുടങ്ങിയിട്ടുണ്ട്.
ഇതിന് വേണ്ടി ഒകെ വാസുവുമായി അടുത്തു നിൽക്കുന്നവരെ യാണ് മുകുനണ്ദൻ അനുികൂലികൾ സമീപിച്ചിരികകുന്നത്.
ശോഭാ സുരേന്ദ്രൻ തിരുമാനിച്ചു. വിവാദത്തിൽ ബിജെപി സംസ്ഥാന അധ്യക്ഷൻ സുരേന്ദ്രൻ നടത്തിയ പ്രസ്താവന മുകുന്ദനെ വേദനിപ്പിച്ചു. കടുത്ത ഭാഷയിൽ പ്രതികരിക്കുകയും ചെയ്തു. ഇതെല്ലാം ഇതിന്റെ തുടക്കമാണെന്നാണ് വിലയിരുത്തുന്നത്.

ബിജെപിയിൽ നിന്ന് സിപിഎമ്മിലെത്തിയ നേതാവാണ് ഒകെ വാസു. മുകുന്ദനുമായി വ്യക്തിബന്ധവുമുണ്ട്. ഈ സാഹചര്യത്തിലാണ് മുകുന്ദനുമായി അടുത്തു നിൽക്കുന്നവർ വാസുവുമായിസംസാരിക്കാൻ എത്തുന്നത്.
നേരത്തെ കോൺഗ്രസും മുകുന്ദന് വേണ്ടി വല വിരിച്ചിരുന്നു. എന്നാൽ പാർട്ടി മാറാൻ തയ്യാറായില്ല. ഇതിനിടെയാണ് സുരേന്ദ്രനെതിരെ പരസ്യമായി മുകുന്ദൻ രംഗത്ത് വരുന്നത്.

അതിനിടെ ബിജെപിക്കാരുമായി ചർച്ചയ്ക്കില്ലെന്ന നിലപാടിലാണ് മുകുന്ദൻ. അതിനിടെ സോഷ്യൽ മീഡിയിയിലും മുകുന്ദന് അനുകൂലമായി പ്രതികരണങ്ങൾ എത്തുന്നു. പാർട്ടി വിട്ടു പോകരുതെന്ന അഭ്യർത്ഥനകളാണ് ഇതിൽ ഏറെയും. ഇതിനിടെയാണ് പുതിയ ആലോചനകളും.

ബിജെപിയെ പരസ്യമായി മുകുന്ദൻ തള്ളി പറയുമോ എന്ന് ഇനിയും വ്യക്തമല്ല. ബിജെപിയുടെ മുൻ സംസ്ഥാന ജനറൽ സെക്രട്ടറിയാണ് മുകുന്ദൻ. എൻ എസ് എസും എസ് എൻ ഡി പിയും അടക്കമുള്ള സമുദായ സംഘടനകളുമായും മുകുന്ദന് അടുത്ത ബന്ധമുണ്ട്. ആർഎസ്എസ് നേതൃത്വവുമായി തെറ്റിയാണ് വർഷങ്ങൾക്ക് മുമ്പ് ബിജെപി നേതൃത്വത്തിൽ നിന്ന് മുകുന്ദൻ മാറുന്നത്. പിന്നീടൊരിക്കലും ഔദ്യോഗിക സ്ഥാനങ്ങൾ മുകുന്ദന് ബിജെപി നൽകിയില്ല.