കാപ്പനൊപ്പം പാർട്ടി ഇല്ലന്ന്

മുന്നണി മാറ്റത്തിൽ മാണി സി കാപ്പൻ പുനരാലോചന വേണമെന്ന് മന്ത്രി എ.കെ. ശശീന്ദ്രൻ. എൻസിപി കേന്ദ്ര നേതൃത്വത്തോട് ആവശ്യപ്പെട്ടു. ഏകപക്ഷീയമായാണ് മാണി സി. കാപ്പൻ മുന്നണിമാറ്റത്തിനു ശ്രമിക്കുന്നത്. പാർട്ടിയിൽ കൂടിയാലോചന നടന്നില്ലെന്നും കേന്ദ്ര നേതൃത്വത്തിനു നൽകിയ പരാതിയിൽ ശശീന്ദ്രൻ പറയുന്നു .
പ്രഫുൽ പട്ടേൽ മുഖ്യമന്ത്രിയുമായി സീറ്റ് ചർച്ചയാണ് നടത്തിയത് അതിന്റെ കാര്യങ്ങളും പാർട്ടിയിൽ വന്നിട്ടില്ല. ഇതോടെ
മാണി സി. കാപ്പനൊപ്പം എൻസിപി കേരള ഘടകവും ഇടതു മുന്നണി വിടുമോ എന്ന കാര്യത്തിൽ സംശയമായി. മാണി സി. കാപ്പനും ദേശീയ അധ്യക്ഷൻ ശരദ് പവാറുമായി ഇന്ന് ഉച്ചയ്ക്ക് കൂടിക്കാഴ്ച നടത്തും.
പാർട്ടിയുടെ അഭിപ്രായം അറിയാനായി എൻസിപി സംസ്ഥാന അധ്യക്ഷൻ ടി.പി. പീതാംബരനെയും ഡൽഹിക്ക് വിളിച്ചിട്ടുണ്ട്.

അതേസമയം, എൽ.ഡി.എഫ്. വിട്ട് വേറെ ഏതെങ്കിലും മുന്നണിയിൽ പോകുന്നതുമായി ബന്ധപ്പെട്ട് ദേശീയ നേതൃത്വമോ സംസ്ഥാന നേതൃത്വമോ ഇതുവരെ ഒരു ചർച്ച പോലും നടത്തിയിട്ടില്ല. കേൾക്കുന്നത് വ്യക്തിപരമായ പ്രതികരണങ്ങളാണ്. വ്യക്തിപരമായ പ്രതികരണങ്ങളുടെ അടിസ്ഥാനത്തിൽ ഒരു നിരീക്ഷണത്തിന് താൻ ഇപ്പോൾ തയ്യാറാകുന്നില്ലെന്നും മന്ത്രി എ കെ ശശീന്ദ്രൻ പറഞ്ഞു. മാണി സി കാപ്പൻ മുന്നണി വിടുമെന്ന് കരുതുന്നില്ല. കാപ്പൻ എൻസിപിയിൽ തന്നെ തുടരണമെന്നാണ് ആഗ്രഹിക്കുന്നതെന്നും അദ്ദേഹം പറഞ്ഞു.