‘പിന്നില്‍ മൊസാദ്, പിന്തുടര്‍ന്നത് എട്ട് മാസം’; സംഘത്തില്‍ ഇറാനിയന്‍ പൗരരുമെന്ന് റിപ്പോര്‍ട്ട്

ഇറാനിയന്‍ ആണവ ശാസ്ത്രജ്ഞന്‍ മുഹസിന്‍ ഫക്രിസാദെയുടെ വധത്തിനു പിന്നില്‍ പ്രവര്‍ത്തിച്ചത് ഇസ്രായേല്‍ ഇന്റലിജന്‍സ് ഏജന്‍സിയായ മൊസാദാണെന്ന് റിപ്പോര്‍ട്ട്. ഇന്റലിജന്‍സ് വൃത്തങ്ങളെ ഉദ്ദരിച്ചു കൊണ്ട് ബ്രിട്ടീഷ് വീക്കലിയായ ദ ജ്യൂയിഷ് ക്രോണിക്കിള്‍ ആണ് ഇക്കാര്യം റിപ്പോര്‍ട്ട് ചെയ്യുന്നത്. ആര്‍ട്ടിഫിഷ്യല്‍ ഇന്റലിജന്‍സ് സാങ്കേതിക വിദ്യ ഉപയോഗിച്ച് വണ്‍ ടണ്‍ ഗണ്‍ എന്ന പ്രത്യേക തരം തോക്ക് ഉപയോഗിച്ചാണ് ഫക്രിസാദെയെ കൊലപ്പെടുത്തിയത്. നേരത്തെ ഇറാനിയന്‍ സര്‍ക്കാര്‍ ഈ ആരോപണം ഉന്നയിച്ചിരുന്നു.
റിപ്പോര്‍ട്ട് പ്രകാരം നീണ്ട എട്ട് മാസത്തെ നിരീക്ഷണത്തിന് ശേഷമാണ് ഫക്രിസാദെയെ മൊസാദ് വകവരുത്തിയത്. 20 ഓളം പേരടങ്ങുന്ന സംഘത്തെ ഇതിനായി നിയോഗിച്ചു. ഈ സംഘത്തില്‍ ഇറാനിയന്‍ പൗരന്‍മാരും ഉള്‍പ്പെട്ടിരുന്നു. ഓപ്പറേഷനുപയോഗിച്ച വണ്‍ ടണ്‍ ഗണ്‍ പല ഭാഗങ്ങളായി ഇറാനിലേക്ക് കടത്തുകയായിരുന്നു.
ഒരു പിക്ക് അപ്പ് ട്രക്കില്‍ ഘടിപ്പിച്ച ഈ വിദൂര നിയന്ത്രിത മെഷീന്‍ ഗണ്‍ ഫക്രിസാദൊയുടെ വാഹനത്തിന് 160 മിറ്ററോളം അകലെ നിന്ന് വെടിയുതിര്‍ക്കുകയായിരുന്നു. ഫ്ക്രിസാദെ വാഹനത്തില്‍ നിന്നും പുറത്തിറങ്ങിയപ്പോഴാണ് വെടിവെപ്പ് നടന്നത്. ഇദ്ദേഹത്തിന്റെ ഭാര്യ ര്ക്ഷപ്പെട്ടു.
ആക്രമണത്തിന് ശേഷം പിക്ക്അപ്പ് വാന്‍ സ്ഫോടനത്തില്‍ സ്വയം കത്തി നശിക്കുകയായിരുന്നു. തെഹ്റാനിലെ കിഴക്കന്‍ മലയോര നഗരമായ അബ്സാദില്‍ വെച്ചാണ് ഇദ്ദേഹം കൊല്ലപ്പെട്ടത്. നവംബര്‍ മാസം അവസാനമാണ് ഫക്രിസാദ് കൊല്ലപ്പെടുന്നത്.ഫക്രിസാദെയ്ക്ക് നേരെ ആക്രമണ സാധ്യതയുണ്ടെന്ന് ഇദ്ദേഹത്തിന്റെ സുരക്ഷാ ഉദ്യോസ്ഥര്‍ മുന്നറിയിപ്പ് നല്‍കിയിരുന്നെന്നാണ് മക്കള്‍ പറയുന്നത്. എന്നാല്‍ ഒരു അടിയന്തര മീറ്റിംഗ് ഉണ്ടെന്ന് പറഞ്ഞ് ഫക്രിസാദെ പുറത്തേക്ക് പോവുകയായിരുന്നു.
ഇറാന്റെ രഹസ്യ അണവ പദ്ധതികളുടെ പ്രധാന കാര്‍മികനെന്ന് കരുതപ്പെടുന്ന ന്യൂക്ലിയാര്‍ ശാസ്ത്രജ്ഞനാണ് മെഹ്സിന്‍ ഫ്രകിസാദെ. തെഹ്റാനിലെ കിഴക്കന്‍ മലയോര നഗരമായ അബ്സാദില്‍ വെച്ചാണ് ഇദ്ദേഹം കൊല്ലപ്പെട്ടത്. ഇറാന്റെ 'അമാദ്', 'ഹോപ്' പദ്ധതികളെ നയിച്ചിരുന്നത് ഫക്രിസാദെയായിരുന്നു. മൊസാദും അമേരിക്കന്‍ രഹസ്യാന്വേഷണ വിഭാഗമായ സിഐഎയും ഫക്രിസാദെയെ 2006 മുതല്‍ നിരീക്ഷിക്കുന്നുണ്ട്.