ഏഷ്യയിലെ ഏറ്റവും വില കൂടിയ അപ്പാര്‍ട്ട്മെന്റ് വിറ്റുപോയത് 610 കോടി രൂപയ്ക്ക്

ഏഷ്യയിലെ ഏറ്റവും വില കൂടിയ അപ്പാര്‍ട്ട്മെന്റ് വിറ്റു. ഹോങ്ങ് കോങ്ങില്‍ സ്ഥിതി ചെയ്യുന്ന അപ്പാര്‍ട്ട്മെന്റ് 610 കോടി രൂപയ്ക്കാണ് വിറ്റത്.ഹോങ്ങ് കോങ്ങിലെ മൗണ്ട് നിക്കോള്‍സണ്‍ പ്രൊജക്ടിലാണ് അപാര്‍ട്ട്മെന്റ് സ്ഥിതി ചെയ്യുന്നത്. വാര്‍ഫ് ഹോള്‍ഡിംഗ്സ് പ്രൈവറ്റ് ലിമിറ്റഡാണ് അപാര്‍ട്ട്മെന്റ് വിറ്റത്. പ്രദേശത്തെ ഏറ്റവും ആഡംബര റെസിഡന്‍ഷ്യല്‍ ഏരിയയായ പീക്കിലാണ് ഈ അപ്പാര്‍ട്ട്മെന്റ് സ്ഥിതി ചെയ്യുന്നത്. ഒരു സ്‌ക്വയര്‍ ഫീറ്റിന് 13.43 ലക്ഷം രൂപയാണ് അപാര്‍ട്ട്മെന്റിന് ഈടാക്കിയ വില. 4,544 ആണ് അപ്പാര്‍ട്ട്മെന്റിന്റെ ആകെ വലുപ്പം. മൂന്ന് പാര്‍ക്കിംഗ് സ്ലോട്ടുകളാണ് ഈ അപ്പാര്‍ട്ട്മെന്റിന് മാത്രം ഉള്ളത്. ആരാണ് ഈ അപാര്‍ട്ട്മെന്റ് വാങ്ങിയത് എന്ന വിവരം പുറത്തുവിട്ടിട്ടില്ല. എന്നാല്‍ ഇതേ വ്യക്തി തന്നെയാണ് അടുത്തിടെ 535 കോടി രൂപ മുടക്കി പ്രദേശത്തെ തന്നെ മറ്റൊരു ആഡംബര അപ്പാര്‍ട്ട്മെന്റും സ്വന്തമാക്കിയത്.