കേരളത്തിൽ വൈഡ്യൂര പാറ കടത്താൻ വൻ സംഘങ്ങൾ

മണച്ചാല വനാന്തരത്തിലെ വൈഡൂര്യ ഖനനവുമായി ബന്ധപ്പെട്ട അന്വേഷണം വനം വകുപ്പ് ഊർജിതമാക്കി പ്രതികളെക്കുറിച്ച് സൂചനയുണ്ട്. ചെക്ക് പോസ്റ്റുകളിലടക്കം പരിശോധനയും അന്വേഷണവും ഊർജ്ജിതമാണ്. മണച്ചാലയിൽ കൂടുതൽ വാച്ചർമാരെ നിയമിച്ചിച്ചു. മണച്ചാലയിൽ വൈഡൂര്യ ഖനനം നടന്നത് മൂന്ന് തവണ. 1905-ലാണ് വെഞ്ഞാറമൂട് കേന്ദ്രീകരിച്ചുള്ള ഒരു സംഘം ആദ്യമായി വൈഡൂര്യ സാധ്യത തിരിച്ചറിഞ്ഞു ഖനനം നടത്തിയത്. മണ്ണിൽ അഭ്രത്തിന്റെ സാന്നിധ്യം കണ്ടാണ് വൈഡൂര്യ സാധ്യത ഇവർ കണക്കാക്കിയത്. എന്നാൽ ഇതു സംബന്ധിച്ച് കാര്യമായ സർക്കാർ പരിശോധനകൾ നടന്നിട്ടില്ല. ആദ്യ ഖനനത്തിൽ വൈഡൂര്യം കിട്ടിയതായും എന്നാൽ ഈ കേസ് പിന്നീട് ഒതുക്കി തീർത്തതായും പറയുന്നു. പിന്നീട് 10 വർഷത്തിനു ശേഷം വീണ്ടും ഒരു ശ്രമം നടന്നു . രണ്ടാമത്തെ ശ്രമത്തിനു ശേഷമാണ് മണച്ചാലയിൽ ക്യാംപ് ഷെഡ് ആരംഭിച്ച് മുഴുവൻ സമയ വാച്ചർമാരെ നിയോഗിച്ചത്. അടുത്തിടെ നടന്ന മൂന്നാമത്തെ ഖനനത്തിൽ വൈഡൂര്യം കിട്ടിയെന്നു പറയുന്നുണ്ടെങ്കിലും പ്രതികളെ കുറിച്ചു വിവരം കിട്ടിയാലേ സ്ഥിരീകരണം ഉണ്ടാവൂ. ബ്രൈമൂറിൽ നിന്ന് മണച്ചാലയിലിലേക്കു പോകുന്ന വഴിക്കു കാട്ടിനുള്ളിൽ അയ്യപ്പ ക്ഷേത്രമുണ്ട്. ഇവിടെ വൃശ്ചിക മാസത്തിൽ വിളക്കും പൂജയും വെടിയുമൊക്കെ നടക്കും. ഇവിടെ നിന്നു ഒരു കിലോമീറ്ററിനുള്ളിലാണ് മണച്ചാല. അടുത്തിടെ നടന്ന ഖനനവുമായി ബന്ധപ്പെട്ടു പാറ പൊട്ടിക്കുന്ന ശബ്ദം കേട്ടെന്ന് കല്ലാർ ഭാഗത്തുള്ള ആദിവാസികൾ വനപാലകരോട് പറഞ്ഞെങ്കിലും അതു അയ്യപ്പ ക്ഷേത്രത്തിലെ വെടിയായിരിക്കുമെന്നാണ് വിലയിരുത്തലിൽ വലിയ പരിശോധന നടന്നില്ല ഇത് സംഘത്തിന് ഗുണകരമായി എന്നാണ് ഇപ്പോൾ കരുതുന്നത്.