സിപിഎം എറണാകുളം ജില്ലാ സമ്മേളനത്തിന് ഇന്ന് തുടക്കം

സിപിഎം എറണാകുളം ജില്ലാ സമ്മേളനത്തിന് ഇന്ന് തുടക്കമാകും. കളമശേരി ആശിഷ് കണ്‍വെന്‍ഷന്‍ സെന്ററിലെ അഭിമന്യു നഗറാണ് സമ്മേളന വേദി. മുഖ്യമന്ത്രി പിണറായി വിജയന്‍ പ്രതിനിധി സമ്മേളനം ഉദ്ഘാടനം ചെയ്യും. വിഭാഗീയത നിറഞ്ഞ മുന്‍കാലങ്ങളില്‍ നിന്ന് വ്യത്യസ്ഥമായി വിഭാഗീയതയൊട്ടുമില്ലാതെ ഒറ്റക്കെട്ടായാണ് സമ്മേളനത്തിന് തയാറെടുക്കുന്നതെന്നാണ് പാര്‍ട്ടി പറയുന്നത്. എന്നാലും രാഷ്ട്രീയ ചര്‍ച്ചയ്‌ക്കൊപ്പം തെരഞ്ഞെടുപ്പ് പരാജയത്തെ തുടര്‍ന്ന് മുതിര്‍ന്ന നേതാക്കള്‍ക്കെതിരെയെടുത്ത നടപടിയുള്‍പ്പെടെ സമ്മേളനത്തില്‍ ചര്‍ച്ച ചെയും. ജില്ലാസെക്രട്ടറിയേറ്റിലും ജില്ലാ കമ്മറ്റിയിലും പുതുമുഖങ്ങളും ഇടംപിടിക്കും. സര്‍ക്കാരിന്റെയും, മന്ത്രിമാരുടെയും പ്രവര്‍ത്തനങ്ങളും സമ്മേളനത്തില്‍ ചര്‍ച്ചയാകും. 16നാണ് സമാപനം. മുഖ്യമന്ത്രിയാണ് സമാപന സമ്മേളനത്തിന്റെയും ഉദ്ഘാടകന്‍. സംസ്ഥാന സമ്മേളന വേദിയും എറണാകുളം ആയതിനാല്‍ നേരത്തെയാണ് ജില്ലാ സമ്മേളനം പൂര്‍ത്തിയാകുന്നത്.