സിപിഐഎം കൊല്ലം പാലക്കാട് ജില്ലാ സമ്മേളനം ഇന്ന് തുടങ്ങും; പാലക്കാട് സമ്മേളനം മുഖ്യമന്ത്രി ഉദ്ഘാടനം ചെയ്യും

സിപിഐഎം കൊല്ലം പാലക്കാട് ജില്ലാ സമ്മേളനം ഇന്ന് തുടങ്ങും. പാലക്കാട് ജില്ലയിലെ സമ്മേളനം മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. പാലക്കാട് പുതിയ സെക്രട്ടറിയെ തെരഞ്ഞെടുക്കും. തുടര്‍ന്ന് സെക്രട്ടറി സി കെ രാജേന്ദ്രന്‍ റിപ്പോര്‍ട്ട് അവതരിപ്പിക്കും. 177 പ്രതിനിധികളും 41 ജില്ലാ കമ്മിറ്റി അംഗങ്ങളും സമ്മേളനത്തില്‍ പങ്കെടുക്കും. കീഴ് ഘടകങ്ങളിലെ പാര്‍ട്ടിക്കുള്ളിലെ വിഭാഗീയതയും കണ്ണമ്പ്രയിലെ ഭൂമി ഇടപാട് ഉള്‍പ്പെടെ സമ്മേളനത്തില്‍ ചര്‍ച്ചയാകും. കൊല്ലം ജില്ലാ സമ്മേളനത്തിന് ഇന്ന് കൊട്ടാരക്കരയില്‍ തുടക്കമാകും രാവിലെ 10 ന് പ്രതിനിധി സമ്മേളനം പി ബി അംഗം എസ് രാമചന്ദ്രന്‍പിള്ള ഉദഘാടനം ചെയ്യും. ജനുവരി 2 ന് പൊതുസമ്മേളനം ഉദഘാടനം ചെയ്യുന്നത് സിപിഐഎം സംസ്ഥാന സെക്രട്ടറി കോടിയേരി ബാലകൃഷ്ണന്‍. കരുനാഗപ്പള്ളി കുണ്ടറ മണ്ഡലങ്ങളിലെ തെരെഞ്ഞെടുപ്പ് തോല്‍വി ആകും സമ്മേളനത്തില്‍ പ്രധാനമായും ചര്‍ച്ചയാകുക. കരുനാഗപ്പള്ളി ഏരിയ കമ്മിറ്റിക്ക് കീഴിലെ പാര്‍ട്ടിക്കുള്ളിലെ വിഭാഗീയതയും സമ്മേളനത്തില്‍ ചര്‍ച്ചയാകും. ജില്ലാകമ്മിറ്റിയില്‍ നിന്നും തരം താഴ്ത്തിയ പി ആര്‍ വസന്തന്‍ ഉള്‍പ്പെടെയുള്ള നേതാക്കള്‍ വീണ്ടും ഇടം പിടിക്കുമോ എന്നത് ശ്രദ്ധേയമാണ്.