തൃശൂരില്‍ മയക്കുമരുന്നുമായി ഡോക്ടര്‍ പിടിയില്‍; കൂടുതല്‍ ഡോക്ടര്‍മാര്‍ ലഹരിമരുന്നിന് അടിമകളെന്ന് മൊഴി

തൃശൂര്‍ : തൃശൂരില്‍ മയക്കുമരുന്നുമായി ഡോക്ടര്‍ പിടിയില്‍. നിരോധിത മയക്കുമരുന്നായ എംഡിഎംഎയുമായിട്ടാണ് ഡോക്ടര്‍ പൊലീസ് പിടിയിലായി. തൃശൂര്‍ മെഡിക്കല്‍ കോളേജ് ആശുപത്രിയിലെ ഹൗസ് സര്‍ജന്‍ കോഴിക്കോട് സ്വദേശി അക്വില്‍ മുഹമ്മദ് ഹുസൈനെയാണ് മെഡിക്കല്‍ കോളേജ് പൊലീസ് പിടികൂടിയത്. 2.4 ഗ്രാം എംഡി എം എയുമായാണ് ഇയാള്‍ പിടിയിലായത് ബംഗലൂരുവില്‍ നിന്നാണ് ഇത് എത്തിച്ചിരുന്നത്. മെഡിക്കല്‍ കോളേജ് പരിസരത്തെ സ്വകാര്യ ഹോസ്റ്റലില്‍ നിന്നാണ് ഇയാള്‍ പിടിയിലാണ്. 15 ഡോക്ടര്‍മാര്‍ സ്ഥിരം ലഹരി ഉയോഗിക്കുന്നവരെന്ന് ഡോക്ടറുടെ മൊഴി. തന്റെ റൂമില്‍ വന്നാണ് ഇവ ഉപയോഗിക്കാറുള്ളത്.