വയനാട് കൊളവയലില്‍ അഞ്ചംഗ ക്വട്ടേഷന്‍ സംഘം പിടിയില്‍; അഞ്ചുപേര്‍ രക്ഷപ്പെട്ടു

വയനാട് : ക്വട്ടേഷന്‍ സംഘത്തെ പിടികൂടി.കൊളവയലില്‍ നിന്നാണ് അഞ്ചംഗ ക്വട്ടേഷന്‍ സംഘത്തെ മീനങ്ങാടി പൊലീസ് പിടികൂടിയത്. കോഴിക്കോട് കൊയിലാണ്ടി സ്വദേശികളായ അരുണ്‍ കുമാര്‍, അഖില്‍, നന്ദുലാല്‍, വയനാട് സ്വദേശികളായ സക്കറിയ, പ്രദീപ്കുമാര്‍ എന്നിവരാണ് പിടിയിലായത്. പാതിരിപ്പാലം ക്വട്ടേഷന്‍ ആക്രമണത്തിലെ പ്രതിയായ തൃശൂര്‍ സ്വദേശി നിഖിലിന്റെ നേതൃത്വത്തിലുള്ള അഞ്ചംഗ സംഘമാണ് രക്ഷപ്പെട്ടത്. കുഴല്‍പ്പണവുമായി ബന്ധപ്പെട്ട ഓപ്പറേഷനാണ് സംഘം മീനങ്ങാടിയിലെത്തിയതെന്നാണ് സൂചന. ക്വട്ടേഷന്‍ സംഘം സഞ്ചരിച്ച വാഹനം പൊലീസ് കസ്റ്റഡിയിലെടുത്തിട്ടുണ്ട് പിടിയിലായവരെ ചോദ്യം ചെയ്ത ശേഷം രക്ഷപ്പെട്ടവര്‍ ആരാണെന്ന് മനസിലാക്കി അന്വേഷണം ഊര്‍ജതമാക്കാനാണ് പൊലീസ് തീരുമാനം. പല ജില്ലകളിലും ഗുണ്ടാ സംഘങ്ങള്‍ വ്യാപക അക്രമം നടത്തുന്നതിടെയാണ് വയനാട്ടില്‍ ക്വട്ടേഷന്‍ സംഘം പിടിയിലാകുന്നത്.