ആലുവയില്‍ ഗുഡ്‌സ് ട്രെയിന്‍ പാളം തെറ്റി; 5 ട്രെയിനുകള്‍ റദ്ദാക്കി

ആലുവയില്‍ ഗുഡ്‌സ് ട്രെയിന്‍ പാളം തെറ്റി. ആന്ധ്രയില്‍ നിന്നും നിന്ന് കൊല്ലം വരികയായിരുന്ന ഗുഡ്‌സ് ട്രെയിനാണ് ആലുവയില്‍ പാളം തെറ്റിയത്. അര്‍ധരാത്രി പിന്നിട്ടതോടെയാണ് സംഭവം. 42 വാഗണ്‍ സിമന്റുമായാണ് ട്രെയിന്‍ കൊല്ലത്തേക്ക് പോയത്. മുന്‍പിലുള്ള 2,3,4,5 വാഗണുകളാണ് ആലുവ മൂന്നാം പ്ലാറ്റ്‌ഫോമിന് സമിപുഉള്ള ട്രാക്കില്‍ പാളം തെറ്റിയത്. ഇതിന് പിന്നാലെ ട്രെയിന്‍ ഗതാഗതം തടസപ്പെട്ടിരുന്നു. തുടര്‍ന്ന് 2.15ഓടെ ഗതാഗതം ഭാഗികമായി പുനഃസ്ഥാപിച്ചു. സിംഗിള്‍ ലൈന്‍ ട്രാഫിക് പുനഃസ്ഥാപിച്ച് ഒരു വരി പാതയിലൂടെ ട്രെയിന്‍ കടത്തി വിട്ടു തുടങ്ങി. ഗതാഗതം പൂര്‍ണമായി പുനഃസ്ഥാപിക്കാന്‍ ശ്രമം തുടരുകയാണ്. അതേസമയം, അഞ്ച് ട്രെയിനുകള്‍ റദ്ദാക്കിയിട്ടുണ്ട്. രണ്ടെണ്ണം ഭാഗികമായി റദ്ദാക്കുകയും, ഒരു ട്രെയിനിന്റെ സമയം പുനക്രമീകരിക്കുകയും ചെയ്തു. ഇന്ന് റദ്ദ് ചെയ്ത ട്രെയിനുകള്‍ 1) ഗുരുവായൂര്‍ തിരുവനന്തപുരം- ഇന്റര്‍സിറ്റി (16341). 2) എറണാകുളം-കണ്ണൂര്‍ ഇന്റര്‍സിറ്റി(16305). 3) കോട്ടയം-നിലംബുര്‍ എകസ്‌പ്രെസ് (16326). 4) നിലമ്പുര്‍- കോട്ടയം എക്‌സ്പ്രസ്സ്(16325) 5) ഗുരുവായൂര്‍-ഏര്‍ണാകുളം എക്‌സ്‌പ്രെസ്(06439) Read Also : ബീഹാറില്‍ ട്രെയിനു തീവച്ച് പ്രതിഷേധക്കാര്‍ ഭാഗീകമായി റദ്ദ് ചെയ്തവ 1) ഇന്നലെ(27.1.22) പുനലൂര്‍ നിന്ന് പുറപ്പെട്ട ഗുരുവായൂര്‍ എക്‌സ്‌പ്രെസ്(16328) തൃപ്പൂണിത്തുറയില്‍ സര്‍വീസ് അവസാനിപ്പിച്ചു. 2) ഇന്നലെ(27.1.22)ചെന്നൈ എഗ്മോറില്‍ നിന്ന് പുറപ്പെട്ട ഗുരുവായൂര്‍ പ്രതിദിന എക്‌സ്‌പ്രെസ്(16127) എറണാകുളത്ത് സര്‍വിസ് അവസാനിപ്പിച്ചു. പുറപ്പെടുന്ന സമയം പുനക്രമിച്ചവ 1) ഇന്ന്(28.1.22) രാവിലെ 5.15ന് പുറപ്പെടേണ്ട എറണാകുളം-പൂണെ എക്‌സ്‌പ്രെസ് (22149), 3 മണിക്കൂര്‍ വൈകി 8.15ന് പുറപ്പെടും.