ലോകത്ത് ആദ്യഅമ്പരപ്പിക്കുന്ന കാഴ്ച; യുവതിയ്ക്ക് ഒറ്റപ്രസവത്തില്‍ 10 കുട്ടികള്‍

ദില്ലി: ഒറ്റപ്രസവത്തില്‍ പത്ത് കുട്ടികള്‍ക്ക് ജന്മം നല്‍കി 37 കാരി. ദക്ഷിണാഫ്രിക്കയിലെ ഗോസിയാമേ താമര സിത്തോളെ എന്ന മുപ്പത്തിയേഴുകാരിയാണ് 10 കുട്ടികളെ പ്രസവിച്ചത്. ജൂണ്‍ 7 നായിരുന്നു പ്രസവം.ഏഴ് ആണ്‍കുട്ടികളും മൂന്ന് പെണ്‍കുട്ടികളുമാണ് പിറന്നത്. സിസേറിയനിലൂടെയാണ് 10 കുട്ടികളെയും പുറത്തെടുത്തത്. നേരത്തേ എട്ട് കുട്ടികള്‍ ഉണ്ടെന്ന് സ്കാനിംഗ് റിപ്പോര്‍ട്ടില്‍ കണ്ടെത്തിയിരുന്നു. എന്നാല്‍ പ്രസവിച്ചപ്പോഴാണ് 10 കുട്ടികള്‍ ഉണ്ടെന്ന് മനസിലായത്. അവള്‍ ഏഴ് മാസവും ഏഴ് ദിവസവും തികഞ്ഞപ്പോഴാണ് പ്രസവിച്ചത്. അമ്മയും കുഞ്ഞങ്ങളും സുഖമായി ഇരിക്കുന്നു.താന്‍ വളരെയേറെ സന്തോഷവാനും വികാരാധീനനുമാണെന്ന്, ഭര്‍ത്താവ് ടെബോഹോ സോടെറ്റ്സി മാധ്യമങ്ങളോട് പറഞ്ഞു. ആദ്യപ്രസവത്തില്‍ ഗോസിയാമ്മ ഇരട്ടകുട്ടികള്‍ക്ക് ജന്‍മം നല്‍കിയിരുന്നു. ഇവര്‍ക്ക് ഇപ്പോള്‍ ആറ് വയസായി. അതേസമയം ഒറ്റ പ്രസവ്തില്‍ 10 കുട്ടികള്‍ ജനിക്കുന്ന ആദ്യത്തെ കേസാണിതെന്നാണ് റിപ്പോര്‍ട്ട്.കഴിഞ്ഞ മാസം മൊറോക്കോയില്‍ ഒമ്ബത് കുട്ടികള്‍ക്ക് ജന്മം നല്‍കിയ ഹലിമ സിസ്സാണ് ഈ റെക്കോര്‍ഡ് നേരത്തെ സ്ഥാപിച്ചത്.അതേസമയം നിലവില്‍ ഗിന്നസ് റെക്കോഡ് സംഘം സംഭവം പരിശോധിക്കുന്നുണ്ട്. വിശദമായ അന്വേണത്തിന് ശേഷം ആവശ്യമായ നടപടികള്‍ സ്വീകരിക്കുമെന്നും പ്രത്യേക പ്രതിനിധിയെ വിഷയം കൈകാര്യം ചെയ്യാന്‍ നിയോഗിച്ചിട്ടുണ്ടെന്നും ഗിന്നസ് റെക്കോഡ് അധികൃതര്‍ വ്യക്തമാക്കി.